Мэдээ, мэдээлэл

СУМ ДУНДЫН ОЙН АНГИУДЫН МОД ҮРЖҮҮЛГИЙН ГАЗАРТ 2023 ОНЫ ХАВАР ТАРИГДАХ УЛИАС, БУРГАСНЫ МӨЧРИЙГ БЭЛТГЭЛЭЭ.

Онцлох мэдээ Хөгжлийн бодлого, төлөвлөлт Хөрөнгө оруулалтын хэлтэс

2450

2023.03.21
Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, аймгийн Засаг даргын санаачилсан “Мод тарьж ногоон суварга босгоё” аяны хүрээнд Манай аймаг 2025 он гэхэд жилд таригдах модны тарьц суулгацыг 100 хувь аймагтаа ургуулдаг болох зорилтын тавин ажиллаж байна
Энэ ажлын хүрээнд 2023 оны хавар Сум дундын ойн ангиудын Мод үржүүлгийн газарт таригдах улиас, бургасны мөчрийг бэлтгэлээ.
Үүнд: Баяншишгэд сум дундын ойн анги Улаан-Уул сумаас 10000 ширхэг, Дэлгэрмөрөн сум дундын ойн анги Бүрэнтогтох, Мөрөн сумаас 15000 ширхэг, Нарсшинэсэн төгөл сум дундын ойн анги Чандмань-Өндөр сумаас 15000 ширхэг нийт 40000 ширхэг улиас бургасны мөчир бэлтгэсэн байна. Дээрх мөчрийг ойн ангиуд Мод үржүүлгийн газарт тарьснаар Төв суурийн газрын цэцэрлэгжүүлэлт, ойн зурваст таригдах суулгацын тодорхой хувийг орон нутагт ургаж буй байгалийн улиасны үр, мөчрөөр ургуулсан суулгацыг ашиглан тарих нь амьдралын хувийг дээшлүүлэхээс гадна генийн санг хамгаалах, сэргэн ургалтыг дэмжих ач холбогдолтой юм.