Монгол Улсын баатар Л.Даваадоржийн нэрэмжит Хилийн цэргийн 0257 дугаар ангийн хамт олон нийгмийн хариуцлагын хүрээнд Хөвсгөл аймаг дахь төрийн болон төрийн бус байгууллага, аж ахуйн нэгж, иргэдийг уриалан, “Цэвэр орчинд хоггүй амьдрая” аяныг санаачлан зохион байгуулж байна. Тус ангийн хамт олон дээрх аяны хүрээнд 2023 он гарснаас хойш 3 удаагийн цэвэрлэгээг зохион байгуулж байгаа бөгөөд энэ удаа Хөвсгөл аймгийн баяр наадмын талбай (стадион)-г цэвэрлэн, 6.8 тонн хог хаягдлыг зайлуулж, Биеийн тамир, спортын газар, Хот тохижилт, үйлчилгээний газарт хүлээлгэн өглөө. Хилчид ийнхүү бусад байгууллага, иргэдийг уриалан цэвэр, эрүүл орчинд ажиллаж, амьдрах талаар манлайлан ажиллаж байгаад орон нутгийн төр захиргааны байгууллагын удирдлагууд, иргэд талархаж байгаагаа илэрхийлж байна.