Аймгийн Засаг даргын Тамгын газрын Хууль, эрх зүйн хэлтсээс “Хууль, тогтоомжийн хэрэгжилтийг сайжруулах”, “Төрийн байгууллагын ажлын зохион байгуулалт, архив албан хэрэг хөтлөлтийн улсын үзлэгийн бэлтгэл ажлыг хангах” хүрээнд  Цахим сургалтыг 2023 оны 04 дүгээр сарын 04-ний өдөр зохион байгууллаа.

Сургалтад сумдын ЗДТГ-ын дарга, хууль, эрх зүйн мэргэжилтэн, архив, албан хэрэг хөтлөлтийн ажилтнууд (төсвийн бүх байгууллага) агентлаг, байгууллагын хууль, эрх зүйн мэргэжилтэн, архив, албан хэрэг хөтлөлтийн ажилтнууд нийт 200 орчим албан хаагч хамрагдлаа.

Сургалтад оролцогчдод Хууль, эрх зүйн хэлтсийн дарга М.Алтаншагай болон холбогдох албан хаагчид “Архив, албан хэрэг хөтлөлтийн тухай хууль” түүнтэй нийцүүлэн баталсан журам, зааврын хэрэгжилт, нийтлэг гарч байгаа зөрчлийг арилгахад анхаарах асуудал, “Бүх нийтийн эрх зүйн боловсролыг дээшлүүлэх үндэсний хөтөлбөр” болон Эрх зүйн сургалт, сурталчилгааны төлөвлөгөөний хэрэгжилтийн явц байдал, анхан шатны байгууллага дээр тулгамдаж байгаа асуудал, сумдын Засаг даргын Тамгын газар болон байгууллагын албан хаагчдын ХАСХОМ, ХАСУМ гаргаж байгаа байдал, архи, согтууруулах ундаа худалдан борлуулах түүгээр үйлчлэх тусгай зөвшөөрөл олгох, сунгах талаар хууль тогтоомжид орсон өөрчлөлт, төрийн байгууллагын удирдлагын дотоод үйл ажиллагааны системийн ашиглалтын явцад гарч байгаа асуудал,  Docx системийн танилцуулга зэрэг мэдээллийг өглөө.