Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар Олон улсын эрх зүйн хөгжлийн байгууллагатай хамтран Европын холбооны санхүүжилтээр хэрэгжүүлж буй “Хүүхэд хамгааллын тогтолцоог бэхжүүлэх” төслийн хүрээн дэх Хүүхдийн эрхийн хууль зүйн хороодын Ажлын албаны үйлчилгээний чанарыг сайжруулах, кейс менежментийг эрчимжүүлэхэд зөвлөн туслах менторын хөтөлбөрт Хөвсгөл аймаг хамрагдлаа.Олон улсын эрх зүйн хөгжлийн байгууллагын Монгол дахь суурин төлөөлөгч Стивен Кентээр ахлуулсан төслийн баг 2023 оны 04 дүгээр сарын 19-20-ны өдрүүдэд Хөвсгөл аймагт ажиллаж байна. Аймгийн Засаг даргын орлогч, Хүүхдийн Эрхийн Хууль зүйн Хорооны дарга М.Хуягбаатар болон хорооны гишүүд Нэг Цэгийн Үйлчилгээний төвийн үйл ажиллагаатай танилцаж, төслийн ментор Монгол улсын Гавьяат багш, доктор дэд профессор Х.Баавгай, Монгол улсын Гавьяат багш, доктор Б.Жавзанхүү нар хорооны ажлын алба аймгийн ГБХЗХГ-т ажиллаж кейс дээр ажиллан , зөвлөн туслах үйлчилгээ үзүүллээ.