Мэдээ, мэдээлэл
Үндэсний дасан зохицлын төлөвлөгөөний орон нутгийн хэлэлцүүлэг Хөвсгөл аймагт зохион байгуулагдлаа
Мэдээ
Хөгжлийн бодлого, төлөвлөлт Хөрөнгө оруулалтын хэлтэс
3891
2023.04.25
"Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх" /NAP/ төслийн зөвлөх доктор Ц.Банзрагч, доктор Д.Нарантуяа, доктор С.Туяа нар мэдээлэл өгч удирдан зохион байгуулан явууллаа
Уур амьсгалын өөрчлөлтөд дасан зохицох стратегийн баримт бичиг, үйл ажиллагааны төлөвлөгөөний төслийг салбар бүрийн тэргүүлэх эрдэмтэн судлаачдаас бүрдсэн үндэсний зөвлөхүүдийн баг Уур амьсгалын ногоон сангийн санхүүжилтээр Байгаль орчин, аялал жуулчлалын яам, Нэгдсэн Үндэстний Байгууллагын Байгаль орчны хөтөлбөр, Уур амьсгалын өөрчлөлтийн судалгаа, хамтын ажиллагааны төвийн хамтран хэрэгжүүлж буй “Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх” төслийн хүрээнд боловсруулсан төслийг Хөвсгөл аймагт хэлэлцүүлж санал авлаа.
Дээрх хэлэлцүүлгийг "Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх" /NAP/ төслийн зөвлөх доктор Ц.Банзрагч, доктор Д.Нарантуяа, доктор С.Туяа нар мэдээлэл өгч удирдан зохион байгуулан явууллаа. Тус төслийн хүрээнд боловсруулж буй Монгол Улсын Үндэсний дасан зохицох төлөвлөгөөнд орох арга хэмжээг орон нутгийн удирдлага мэргэжилтнүүдийн санал бодлыг тусган, орон нутгийн бодлого шийдвэртэй уялдуулан бодит байдлаар сайжруулах, үндэсний хэмжээний чадавхыг нэмэгдүүлэх ач холбогдолтой.
Хэлэлцүүлэгт Хөвсгөл аймгийн Засаг даргын Тамгын газар, Хөвсгөл аймгийн Байгаль Орчин Аялал Жуулчлалын газар, Хөвсгөл аймгийн Хүнс, Хөдөө аж ахуйн газар, Хөвсгөл аймгийн Газрын Харилцаа, Барилга хот байгуулалтын газар, Хөвсгөл аймгийн Ус цаг уур орчны шинжилгээний төв, Хөвсгөл Онцгой байдлын газар, Хөвсгөл аймгийн Эрүүл мэндийн газар, Хөвсгөл Зооноз, Хөвсгөл Мал Эмнэлгийн Газар, Дэлгэрмөрөн сум дундын ойн анги оролцож орон нутгийн онцлогот тулгуурлан үндэсний төлөвлөгөөнд саналаа өгч ажиллалаа.