Мэдээ, мэдээлэл
2022 ОНД 13 СУМ 1 УУРХАЙН 4696 ХҮНИЙГ СҮРЬЕЭГИЙН ЭРТ ИЛРҮҮЛЭГ ҮЗЛЭГ ОНОШЛОГООНД ХАМРУУЛЖ, 28 ШИНЭ СҮРЬЕЭГИЙН ТОХИОЛДЛЫГ ИЛРҮҮЛЖ, 26,9 САЯ ТӨГРӨГИЙГ ЗАРЦУУЛАН АЖИЛЛАВ
Мэдээ
Нийгмийн бодлогын хэлтэс
4962
2023.04.25
“Сүрьеэгийн хавьтлын үзлэгийн үр дүн, цаашид анхаарах асуудал”сэдвийн хүрээнд санал солилцов.
Хэлэлцүүлэгт аймгийн ЗДТГ-ын НБХ, ЭМГ, НЭ, Монголын сумын эмч мэргэжилтний Хөвсгөл аймаг дахь салбар хороо хамтран зохион байгуулж, удирдлагын төлөөлөл, холбогдох мэргэжлийн эмч мэргэжилтнүүд оролцлоо.Манай аймаг 2019 оноос эхлэн Глобал сангийн дэмжлэгтэй Монголын сумын эмч мэргэжилтнүүдийн холбооноос хэрэгжүүлж буй төслийг Хөвсгөл аймаг дахь салбар хороотой хамтран хэрэгжүүлж эхэлсэн. Уулзалт хэлэлцүүлгээр сүрьеэгийн эрт илрүүлэг үзлэгийг хэрхэн зохион байгуулсан тайлан, цаашид анхаарах асуудал, 2023 онд хамтран хэрэгжүүлэх жишиг төлөвлөгөөний талаар ярилцлаа.
Үүнд:
- Энэхүү төслийн хүрээнд 2022 онд 13 сум 1 уурхайн 4696 хүнийг сүрьеэгийн эрт илрүүлэг үзлэг оношлогоонд хамруулж, 28 шинэ сүрьеэгийн тохиолдлыг илрүүлж, 26,9 сая төгрөгийг зарцуулан ажилласан байна.
- Энэ онд сүрьеэ өвчнийг эрт илрүүлэх, эрсдэлт болон зорилтот бүлгийн хүн амыг оновчтой сонгож, үзлэгт хамруулж, сүрьеэгийн шинэ тохиолдлын илрүүлэлтийг нэмэгдүүлэх, эмчилгээ хяналтад авах, хавьтлыг бүрэн үзэж, далд халдварын эмчилгээнд хамруулах зорилтыг дэвшүүлжээ.
- Эхний 1 дүгээр улирлын байдлаар 12 суманд 13 сая төгрөгийг зарцуулан сүрьеэгийн хавьтлын илрүүлэг үзлэгийг сумын Эрүүл мэндийн төвүүдтэй хамтран зохион байгуулж, зорилтот бүлгийн 5817 иргэд, сүрьеэ өвчнөөр өвчлөгсдийн ойрын болон дам хавьтлын 1696 иргэдийг үзлэгт хамруулж,12 шинэ тохиолдлыг илрүүлсэн ба 517 хавьталд туберкулины сорил тавьж, 30 иргэнийг далд халдварын эмчилгээнд хамруулаад байна.
Уулзалт, хэлэлцүүлгийн үр дүн: Хавьтлын үзлэгийг чанартай зохион байгуулах, зорилтот бүлгийн иргэдээ үзлэгт түлхүү хамруулах, нөлөөллийн ажлыг зохион байгуулах, шаардлагатай санхүүжилтийг Засаг даргын зөвлөлийн хуралд танилцуулах, хамтран хэрэгжүүлэх төлөвлөгөөний төслийг хэлэлцэн баталлаа.