Хөвсгөл аймгийн Засаг даргын Тамгын газрын Төрийн захиргааны удирдлагын хэлтсийн дарга Х.Цэнд-Аюуш, Хөгжлийн бодлого төлөвлөлт, хөрөнгө оруулалтын хэлтсийн дарга Б.Оюунтуяа нар Нэгдсэн Үндэстний Байгуллагын Суурин зохицуулагч Тапан Мишра, НҮБ-ын Суурин зохицуулагчийн газрын  Хөгжлийн зохицуулалт-Стратеги төлөвлөлтийн мэргэжилтэн Ж.Должинсүрэн,  НҮБ-ын Суурин зохицуулагчийн газрын Хүний эрхийн үндэсний зөвлөх Ч.Алтангэрэл нарыг хүлээн авч уулзлаа. Суурин зохицуулагч Тапан Мишра Монгол Улсын Засгийн газартай хамтран  баталсан “НҮБ-ын 2023-2027 онд хэрэгжүүлэх үйл ажиллагааны хөтөлбөр”-ийн талаар товч мэдээлэл хүргэж, энэхүү таван жилийн хугацаанд хөтөлбөрт тусгагдсан хүний хөгжил, эдийн засаг, байгаль орчин, ногоон тогтвортой хөгжил, хүн төвтэй засаглал, хууль эрх зүйн орчин зэрэг үндсэн чиглэлийн хүрээнд болон Хөвсгөл аймгийн онцлогт тулгуурлан аялал жуулчлал, хөдөө аж ахуй, боловсролын салбарт хамтран ажиллах боломжтой талаар санал солилцлоо.