Мэдээ, мэдээлэл
МӨРӨН СУМЫН 10, 14 ДҮГЭЭР БАГТ ОРШИН СУУЖ БУЙ 10 МЯНГА ГАРУЙ ИРГЭДЭД ТӨРИЙН ҮЙЛЧИЛГЭЭГ ОЙРТУУЛСАН “ХУРДАН” ТӨВ НЭЭГДЛЭЭ
Онцлох мэдээ
Нийгмийн бодлогын хэлтэс
1636
2023.08.28
Аймгийн засаг даргын 2020-2024 оны үйл ажиллагааны хөтөлбөрт тусгагдсан цахим засаглал зорилт биелэлээ оллоо.
Төрийн үйлчилгээг алслагдсан сум, багийн иргэдэд түргэн шуурхай хүргэх боломжийг хангаж буй “ХУРДАН” төвийн үйл ажиллагааг бүх талаар дэмжин хамтран ажиллаж байгаа бөгөөд цаашлаад сум бүрд “ХУРДАН” төв нээх боломжийг хангаж төрийн алба хүнд сурталгүй, чирэгдэлгүй, бүрэн цахимжиж байгааг Хөвсгөл аймгийн Засаг дарга Пилжээгийн Лхагважав онцлов.
Хөвсгөл аймгийн Мөрөн сумын 10, 14 баг хөгжлийн төвийн дэргэд хүн, хуулийн этгээдэд төрийн үйлчилгээг “ХУРДАН” шуурхай, хүртээмжтэй байдлаар хүргэх, зөвлөгөө мэдээллээр хангах тус төв өдөр бүр ажлын цагаар ажиллаж эхэллээ.
- Тус төвөөс иргэд төрийн 35 байгууллагын 440 үйлчилгээг "ХУРДАН" шуурхай, хүндрэл чирэгдэлгүй, хаанаас ч ойрхон хүлээн авах боломжтой
- Лавлагаа, тодорхойлолт 94 төрөл
- Нэг шатлалт үйлчилгээ 55 төрөл
- Олон шатлалт үйлчилгээ 291 төрөл
- Нийт 440 төрлийн үйлчилгээ үзүүлж байна. #Төрийн_цахим_үйлчилгээ #Мөрөн_сумын _10 дугаар багийн 3700 гаруй иргэнд ойртож нэг доороос бүхий л үйлчилгээг цаг алдалгүй авах боломж бүрдсэнд #Мөрөн_сумын_10 дугаар багийн Засаг дарга Б.Батжаргал тус багаас сонгогдсон аймгийн ИТХ-ын төлөөлөгч Хадбаатарын Тайванбаяр нар иргэдийнхээ өмнөөс талархалтай байгаагаа илэрхийлж байлаа.