Тэрээр хэлсэн үгэндээ: “…Манай аймаг Монголын мастеруудын холбоонд элсэн орсноос хойш дараах олон олон амжилтуудыг үзүүлж байна. Шатрын спортын мастер Б.Мягмарсүрэн Дэлхийн хошой аварга, Дэлгэрмөрөн цогцолбор сургуулийн багш Г.Энхцэцэг Сагсан бөмбөгийн спортоор Ази тивийн аварга шалгаруулах тэмцээнд 2 удаа амжилттай оролцож сагсан бөмбөгийн спортын олон улсын хэмжээний мастер цол хүртсэн зэрэг амжилтаас дурдаж болохоор байна. Аймаг орон нутгийн зүгээс 2007 оноос хойш жил бүр Улс, Олон Улс, Тив, Дэлхийн тэмцээнүүдээс амжилт гаргаж медалийн эзэд болсон тамирчдаа батлагдсан журмын дагуу мөнгөн урамшуулал олгодог нь тамирчдын урам зориг, амжилтад дэм болдог гэдэгт итгэлтэй байгааг онцлон Монгол орны өнцөг булан бүрээс хүрэлцэн баг тамирчдадаа спортын амжилт хүсэж байлаа…”

Энэхүү тэмцээнийг Биеийн тамир спортын улсын хороо, Хөвсгөл аймгийн Засаг даргын тамгын газар, Хөвсгөл аймгийн биеийн тамир спортын газар , Монголын мастеруудын биеийн тамир спортын хороо, Монголын ахмадын хороо, Хөвсгөл аймгийн ахмадын хороо, Хөвсгөл аймгийн Мастеруудын биеийн тамир спортын хороо, хамтран спортын 8 төрлөөр зохион байгуулж байна.

 Тэмцээнд 9 дүүрэг, 20 аймгийн нийт 1100 гаруй тамирчид хурд, хүч, оюун ухаан, авхаалж самбаагаа сорьж байна.

Нийт баг тамирчдад амжилт хүсье