ХИЛИЙН ЦЭРГИЙН САЛБАРТ ШИНЭ ТЕХНИК ХЭРЭГСЭЛ ГАРДУУЛАХ ЁСЛОЛЫН АРГА ХЭМЖЭЭ БОЛЛОО

Мэдээ Цэргийн штаб

690

2023.09.15
Хилийн цэргийн 0257 дугаар ангийн 0258 дугаар салбарт улсын хил хамгаалалтад ашиглах шинэ техник хэрэгслүүдийг гардуулах ёслолын арга хэмжээг Хөвсгөл аймгийн Цагааннуур суманд байрлах тус салбарт зохион байгууллаа
Хилийн цэргийн 0257 дугаар ангийн 0258 дугаар салбарт улсын хил хамгаалалтад ашиглах шинэ техник хэрэгслүүдийг гардуулах ёслолын арга хэмжээг Хөвсгөл аймгийн Цагааннуур суманд байрлах тус салбарт зохион байгууллаа. Тус арга хэмжээнд Монгол Улсын Их Хурлын Дэд дарга Л.Мөнхбаатар, Хил хамгаалах ерөнхий газрын Захиргааны удирдлага эрхэлсэн дэд дарга, бригадын генерал Д.Мөнгөнжин, Хилийн цэргийн 0257 дугаар ангийн захирагчийн Захиргаа хариуцсан орлогч, дэд хурандаа Д.Идэрбат, Хилийн цэргийн 0258 дугаар салбарын захирагч, ахмад Л.Чинзориг болон Цагааннуур сумын удирдлагууд, ард иргэд, ахмад хилчдийн төлөөлөл, бусад албаны хүмүүс оролцлоо. Улсын хил хамгаалалтад үүрэг гүйцэтгэж байгаа хилчдийн үүрэг гүйцэтгэх нөхцөл боломж, хил хамгаалалтын үр дүнг дээшлүүлэх зорилгоор уул, ой тайгын бүсэд ашиглахад нэн тохиромжтой, бартаат замыг туулах чадвартай UTV(uforce) маркийн квадрат мотоцикль 2, Fracet маркийн гол, мөрний зориулалт бүхий хөнгөн завь 2 ширхэгийг тус тус гардуулан өгч, тус салбарын хилчдэд албанд нь амжилт хүслээ.
Эх сурвалж: Хошууч Б.Нямсайхан