Мэдээ, мэдээлэл
ЭМЭГТЭЙЧҮҮДЭД ЗОРИУЛСАН БОГИНО ХУГАЦААНЫ УР ЧАДВАР ОЛГОХ СУРГАЛТ БОЛЛОО
Онцлох мэдээ
Нийгмийн бодлогын хэлтэс
1024
2023.09.25
Үр дүнтэй сургалтад хамрагдсан тухай оролцогчид ярьж байлаа
Эмэгтэйчүүдийн хөдөлмөр эрхлэлтийг дэмжих, цахим орчинд ажиллах, орлогоо нэмэгдүүлэх хүсэлтэй ажил хайгч ээжүүд, эмэгтэйчүүдэд зориулан гэрээс буюу зайнаас ажиллах боломжийг бүрдүүлэх зорилгоор Хөвсгөл аймгийн Хөдөлмөр, халамжийн үйлчилгээний газар, “Оюуны чадамж” төрийн бус байгууллагатай хамтран богино хугацаанд цахим орчинд ур чадвар эзэмшүүлэх сургалт зохион байгууллаа.
Хөвсгөл аймгийн Засаг даргын Тамгын газрын даргын албан үүргийг түр орлон гүйцэтгэгч Э.Улам-Өсөх оролцож, төрөөс хөдөлмөр эрхлэлтийг нэмэгдүүлэх чиглэлээр хэрэгжүүлж буй бодлого, үйл ажиллагааны талаар танилцууллаа. Мөн аймгийн Хөдөлмөр, халамжийн үйлчилгээний газрын Хөдөлмөр эрхлэлтийн асуудал хариуцсан мэргэжилтэн В.Шинэцэцэг эмэгтэйчүүдийн хөдөлмөр эрхлэлтийг нэмэгдүүлэх чиглэлээр тус газраас хийж, хэрэгжүүлдэг үйлчилгээний талаар мэдээллийг оролцогчдод хүргэлээ.