Аймгийн Засаг дарга Пилжээгийн Лхагважав Нэгдсэн эмнэлгийн засварын ажилтай танилцаж, өвөлжилтийн бэлтгэл ажил, цаашид анхаарах асуудлын талаар мэдээлэл солилцлоо. Орон нутгийн хөрөнгө оруулалт Нэгдсэн эмнэлэгт 2022- 2023 онд 750 сая төгрөгөөр хоол үйлдвэрлэл, 103, яаралтай тусламж, нэг давхрын хэсгийн засварыг ажил үе шаттай хийгдэж байна. Хоол үйлдвэрлэлийн хэсгийг 2022 онд орон нутгийн төсөвт тусган засварын ажил бүрэн дуусаж, эмнэлгийн хоол үйлдвэрлэх хэсэг тав тухтай шаардлага хангасан орчинд ажиллаж байна. Мөн энэ онд Нэгдсэн эмнэлгийн төв корпусын 1 давхрыг Орон нутгийн хөгжлийн сангийн хөрөнгө оруулалтаар 375,5 сая төгрөгөөр засварлаж байгаа бөгөөд гүйцэтгэлийн ажил 80 хувьтай хийгдэж байна. 2024 оны орон нутгийн хөрөнгө оруулалтаар тус эмнэлгийн дээврийн асуудлыг шийдвэрлэхээр боллоо. Хөвсгөл аймгийн Нэгдсэн эмнэлэг