Мэдээ, мэдээлэл
“СОЁЛЫН СЭРГЭЛТ -2023” ХӨВСГӨЛ ӨРНӨЛӨӨ
Мэдээ
Нийгмийн бодлогын хэлтэс
1010
2023.09.25
Чингис хааны өв, соёлын хүрээлэн нь Хөвсгөл аймгийг хариуцан, 9 дүгээр сарын 06-22-ны өдрүүдэд тус аймгийн 1 хот, 22 сум, 1 тосгонд аяныг амжилттай хэрэгжүүлээд өндөрлөлөө.
Монгол Улсын Засгийн газар, Соёлын яамнаас хэрэгжүүлж буй “СОЁЛЫН СЭРГЭЛТ -2023” аян Монгол орны 21 аймаг 330 сум 15 тосгонд өрнөж байна. Тус аян нь үндэсний нэгдмэл үнэт зүйлийг бэхжүүлэх, бүх нийтийн соёлын боловсролыг дээшлүүлэх, соёлын хүртээмжийг нэмэгдүүлэх, соёлын бүтээлч үйлдвэрлэлийг дэмжих, орон нутаг дахь соёлын салбарын ажилчдыг чадавхжуулах, соёлын өвийг сурталчлан таниулах зорилготой юм. Соёлын яамны харьяа байгууллагууд нэг аймгийг хариуцан, уг аяныг зохион байгуулж байгаа билээ. Чингис хааны өв, соёлын хүрээлэн нь Хөвсгөл аймгийг хариуцан, 9 дүгээр сарын 06-22-ны өдрүүдэд тус аймгийн 1 хот, 22 сум, 1 тосгонд аяныг амжилттай хэрэгжүүлээд өндөрлөлөө.
Юун түрүүнд “СОЁЛЫН СЭРГЭЛТ” аяныг Хөвсгөл аймагт хэрэгжүүлэхэд удирдлага, чиглэлээр хангаж дэмжин ажилласан Соёлын яам, аяны ажлын хэсгийн дарга, Соёлын яамны дэд сайд М.Батбаяр, Хөвсгөл аймгийн Засаг дарга П.Лхагважав, ЗДТГ-ын хамт олонд талархал илэрхийлье. Та бүхний ажил үйлсэд нь амжилт бүхний дээдийг хүсье. Хөвсгөл аймгийн Засаг даргын Тамгын газар
Тус аяныг Хөвсгөл аймагт хэрэгжүүлэхэд хамтран ажилласан Л.Батцэцэг даргатай аймгийн СУГ-ын хамт олонд болон бүх сумдын Соёлын төвийн дарга, албан хаагчдад талархал илэрхийлье. Мөн Б.Банзрагч даргатай аймгийн Хөгжимт драмын театрын хамт олон, Э.Даваачулуун даргатай аймгийн Төв номын сангийн хамт олон болон Х.Рагчаа даргатай аймгийн музейн хамт олонд талархал илэрхийлье. Та бүхний ажил албанд нь өндрөөс өндөр амжилт хүсье. Хөвсгөл аймгийн Соёл, урлагийн газар
Мөрөн хот дахь нээлтийн арга хэмжээнд 60 хүний бүрэлдэхүүнтэй симфони найрал хөгжмийн гайхалтай тоглолтыг хийсэн Монгол Улсын филармоний хамт олонд талархал илэрхийлье. Монгол Улсын Филармони
Нээлтийн арга хэмжээг хөтөлсөн МУСГЗ, нэвтрүүлэгч Д.Цоодол танд талархал илэрхийлье. Мөн биднийг дэмжин, сумдын урлагийн тоглолт, үйл ажиллагааг хариуцан хамтран ажилласан Хөвсгөл аймгийн Хөгжимт драмын театрын уран бүтээлчид, Хүүхэлдэйн театрын жүжигчин Г.Бумбаяр Г' Бумбаяр, дуучин Бердибек нартаа талархлаа. Та бүхнийг Эгшиглэнт эх Янжинлхам үргэлж ивгээх болтугай.
Соён гэгээрүүлэх лекцийг уншиж, аяныг сумдад хэрэгжүүлэхэд гол түшиг болсон ШУА-ийн Философийн хүрээлэнгийн захирал, доктор, профессор Б.Пүрэвсүрэн Purevsuren Byambakhishig, МУСГЗ, сэтгүүлч, судлаач Г. Бадамсамбуу, СУИС-ийн Соёл судлалын хүрээлэнгийн эрдэмтэн нарийн бичгийн дарга, доктор М.Энхбаатар Мижиддоржийн Энхбаатар нартаа талархал илэрхийлье. Та бүхний судалгаа, эрдэм шинжилгээ, ном бүтээлийн ажилд арвин их амжилтыг хүсье. Номын цагаан буян мөнхөд дэлгэрэх болтугай.
Сум бүрийн ардын авьяастнууд, өвлөн уламжлагчид, уран бүтээлчид, багш сурган хүмүүжүүлэгч нартаа мөн талархал илэрхийлье. Та бүхний өв соёлоо хадгалж, өвлөн уламжлуулж буй үйлс тань үргэлж дардан байг. Монгол соёл, монгол ёс заншил мөнхөд оршиж, энхэд дэлгэрэх болтугай.
Тус аяныг хэрэгжүүлэхэд агшин хором бүрийг гэрэл зурагнаа үлдээн баримтжуулж, түүхийн шаргал хуудаснаа үлдээж байсан Монголын Гэрэл зургийн холбооны гишүүн, зурагчин Ө.Баттайван Battaivan Ulziibayar Real, Б.Баттөгс Дархад Дархад нарт талархал илэрхийлье. Та бүхний авсан гэрэл зураг бүр үргэлж олны нүд, сэтгэлийг баясгаж байх болтугай.
Чингис хааны өв, соёлын хүрээлэнгээс тус аяныг зохион байгуулан хариуцан ажилласан Б.Баасансүрэн ахлагчтай ажлын хэсгийнхэн болон арыг найдвартай дааж, хариуцлагатай ажилласан хүрээлэнгийн итгэлт хамт олондоо талархал илэрхийлье. Та бүхэндээ ажлын амжилт, эв эе, гэгээн сайхан бүхнийг хүсье.
Бидний ажилд зөвлөгөө өгч, дэм өгсөн Монгол Улсын Филармонийн захирал С.Баттулга, Чингис хаан Үндэсний музейн захирал С.Чулуун, Дэлхийн өв-Бурхан Халдун уул, ТХТГН-ийн хамгаалалтын захиргааны захирал Г. Чинболор, Чойжин лам сүм музейн захирал Д.Отгонсүрэн, Соёлын өвийн үндэсний төвийн захирал Г.Энхбат, Засгийн газрын хэрэгжүүлэгч агентлаг, СУГ-ын дарга Н. Мөнхзул, Театрын музейн захирал Д. Наранжаргал, Монгол Улсын Хүүхэлдэйн театрын захирал М.Отгончимэг захирал нартаа талархал илэрхийлье. Монгол Улсын соёлын салбарт мөр зэрэгцэн ажиллаж буй та бүхнээрээ бахархахын ялдамд ажил үйлсэд нь бахархам амжилтыг хүсье.