Монгол Улсын баатар Л.Даваадоржийн нэрэмжит Хилийн цэргийн 0257 дугаар ангийн хамт олон Хил хамгаалах байгууллагын 90 жилийн ойн хүрээнд “Нэрэмжит сар” аяныг тохиолдуулан тус ангийн захирагчаар 2 удаа томилогдон ажилласан бэлтгэл хурандаа Д.Болдбаатарын нэрэмжит волейболын тэмцээнийг төрийн цэргийн болон хууль сахиулах байгууллагуудын дунд зохион байгууллаа. Тус тэмцээнд 9 байгууллагын баг тамирчид оролцож, хурд хүч, авхаалж самбаагаа сорин өрсөлдсөнөөс хурандаа Ё.Пүрэвсүрэн даргатай Хөвсгөл аймгийн Онцгой байдлын газар тэргүүлж, цагдаагийн хурандаа А.Алтанцоож даргатай Цагдаагийн газрын хамт олон удаах байрыг эзэллээ. Энэ үеэр Хилийн цэргийн 0257 дугаар ангийн хамт олон, ахмад хилчид, Тосонцэнгэл сумын нутгийн зөвлөлөөс бэлтгэл хурандаа Д.Болдбаатарт хүндэтгэл үзүүлсэн юм.