2023 оны Мал, тэжээвэр амьтдын тооллогыг 12 дугаар сарын 7-оос 17-ны өдрүүдэд улсын хэмжээнд зохион байгуулна. Түүхэн мэдээллээс дурдвал, Мал тооллогыг өмнө нь зун, намрын улиралд зохион байгуулдаг байсан бол 1961 оноос эхлэн жилийн эцэст буюу 12 дугаар сард тоолдог болсон. Энэ хугацаа нь мал аж ахуйн үйлдвэрлэлийн жилтэй тохирдог, малын орлого, зарлагын үзүүлэлт бүрэн гарч дууссан, малчид өвөлжөөндөө бууж, хүн, малын хөдөлгөөн харьцангуй бага байдаг зэрэг давуу талтай юм. Малын тооллогын үр дүнг макро түвшний тооцоо, судалгаанд ашиглаж, салбарын бодлого боловсруулах, шийдвэр гаргах мэдээллийн гол эх үүсвэр болгон ашигладаг бөгөөд салбарын эдийн засгийн тооцооны тулгуур үндэслэл болдгоороо ихээхэн ач холбогдолтой. Малтай айл өрх, аж ахуйн нэгж, байгууллага та бүхнийг жилийн эцсийн тооллогодоо идэвхтэй оролцохыг уриалж байна. Хөвсгөл аймгийн Засаг даргын орлогч М.Хуягбаатар, Мөрөн Сумын Иргэдийн Төлөөлөгчдийн Хурлын дарга Батаагийн Нямдаваа, Мөрөн сумын Засаг дарга Хадбаатарын Тайванбаяр нар Мөрөн сумын Үерт 9 дүгээр багийн аймгийн хошой аварга малчин З. Цэдэнсодномын хотноос албан ёсоор эхлүүллээ. Аймгийн Засаг даргын орлогч хэлэхдээ: Малчдад зориулсан тэтгэмжийн талаар танилцуулж малын тоо толгойг биечлэн хийж, А дансыг сайн хөтлөх нь чухлыг ажлын хэсгийн гишүүдэд онцгойлон анхааруулж, ажилт хүслээ.