Монгол Улсад шинжлэх ухааны үндэстэй Мал үржлийн алба үүсэж хөгжсөний түүхт 100-н жилийн ой, Органик мах Хөвсгөл экспо-2023 арга хэмжээний хүрээнд ашиг шимийн гарц, чанар, удам зүйн үнэлгээ, эрүүл мэндээр баталгаажсан шилмэл малыг мал үржүүлэгчдэд таниулж, үр төлийг олшруулах, шаардлага хангасан хээлтүүлэгчийг аж ахуйн нэгж, иргэдэд худалдаж мал сүргийн чанарыг сайжруулах зорилготой гойд ашиг шимт мал Хөвсгөл-2023 үзэсгэлэн худалдааг амжилттай зохион байгууллаа. Үзэсгэлэн худалдаанд 7 сум 3 аж ахуй нэгжийн 4 үүлдэр 1 омгийн 62 толгой бог, 10 толгой бод мал оролцож, үзэсгэлэн худалдаанд оролцсон аж ахуй нэгж, малчид 9,8 сая төгрөгийн борлуулалтыг хийж гадна дотны жуулчид, малчид, хөдөлмөрчдөд онгон дагшин байгаль, цэвэр цэнгэг уст гол горхи, олон төрлийн эмийн ургамлаар идээшлэн ундаалдаг, эрс тэс уур амьсгалд дасан зохицсон бие даасан үүлдэр омгийн мал сүргээ сурталчилж, органик мах махан бүтээгдэхүүнийг Хоймор нутгаас хэрэглэгчдэд хүргэх том боломж байгааг харуулсан арга хэмжээг амжилттай зохион байгууллаа.