Мэдээ, мэдээлэл
ХӨВСГӨЛ АЙМГИЙН ЦАГААННУУР СУМАНД СОЁЛЫН ЯАМНЫ САНХҮҮЖИЛТЭЭР “ЦААТАН СОЁЛ” ТӨСӨЛ АМЖИЛТТАЙ ХЭРЭГЖЛЭЭ
Онцлох мэдээ
Нийгмийн бодлогын хэлтэс
121
2023.12.19
Цаатны тува иргэдийн эх хэлийг цаатан хүүхэд, залуучууд, иргэдэд соёл, урлагийн боловсрол олгох ажлаар дамжуулан сэргээн сануулж, соёлын хэрэглээний эргэлтэд тогтвортой оруулсанаар өвлөн уламжлагдах боломжийг нэмэгдүүлэх зорилгын хүрээнд дараахь зорилтуудыг дэвшүүлж бүрэн гүйцэтгэлээ.
“Цаатан соёл” төсөл нь 2023 оны 10 дугаар сарын 17-ны өдрөөс 12 дугаар сарын 01-ний өдрийн хугацаанд хэрэгжиж өндөрлөв. Төслийн гол зорилго нь үндэсний цөөнхийн нэг төлөөлөл болох цаатан тува угсаатны эх хэл, соёл уламжлалын асуудал тулгамдаж буй энэ цаг дор соёлд суурилсан боловсрол олгох аргын хүрээнд цаатны соёлын биет бус өвийг сэргээн сануулж хоногшуулах, соёлын олон талт харилцаанд эх хэлний хэрэглээг нэмэгдүүлэх, цаатан тува иргэдийн ардын өв соёлын мэдлэг, мэдээллээ солилцох өргөн боломжийг олгоход оршиж байна.
Цаатны тува иргэдийн эх хэлийг цаатан хүүхэд, залуучууд, иргэдэд соёл, урлагийн боловсрол олгох ажлаар дамжуулан сэргээн сануулж, соёлын хэрэглээний эргэлтэд тогтвортой оруулсанаар өвлөн уламжлагдах боломжийг нэмэгдүүлэх зорилгын хүрээнд дараахь зорилтуудыг дэвшүүлж бүрэн гүйцэтгэлээ. Үүнд:
- “Цаатан соёл” пейж хуудас шинээр үсгэн, тухайн хуудсыг ашиглан цаатан ардын аман соёлын илэрхийлэл болох үлгэр, дууны талаар мэдээлэл дамжуулан солилцож 200 гаруй дагагчтай боллоо.
- Хөвсгөл аймгийн Цагааннуур сумын Соёлын төвийн дэргэдэх орон нутаг судлах музейн 400 гаруй үзмэрийн тайлбарыг монгол, англи, /тува хэл дээр 80 үзмэр/ хэлээр орчуулан бичиж, зарим бүлэг агуулгыг QR -р дамжуулан танилцаж болохуйц тайлбарыг хийв.
- Цагааннуур сумын иргэдийн дунд судалгаа хийн сурвалжилсаны үндсэн дээр цаатан тува иргэдийн дунд дуулагдаж буй 20 гаруй дуунаас түүвэрлэн “Тува дууны дээжис” дууны эмхэтгэлийн эхийг бэлтгэж 300 хувь хувилан тараав.
- Цаатан тува иргэдийн дунд “Тува дуу хэн сайн дуулах вэ” анхдугаар уралдааныг 5 насны ангиллаар сумын Соёлын төвтэй хамтран цахим хэлбэрээр зохион байгуулав. Анхдугаар уралдаанд 7- 88 насны 37 хүн танхим болон цахим хэлбэрээр оролцлоо.
- Тува хэл эзэмшилтийн өнөөгийн байдал, Соёлын төв – өвлөн уламжлагчид, музейн өвийн талаар 5-10 минутын 2 контентийг бэлтгэв.
Монгол Улсын Соёлын яамнаас хэрэгжүүлсэн энэхүү төслийг амжилттай хэрэгжүүлэхэд гүн туслалцаа үзүүлсэн Хөвсгөл аймгийн Соёл Урлагийн Газар, Цагааннуур сумын М.Оюун даргатай Соёлын төвийн хамт олонд төслийн багийн өмнөөс талархал илэрхийлж байна.