ХӨВСГӨЛ АЙМГИЙН ЗАСАГ ДАРГА, ТҮҮНИЙ ТАМГЫН ГАЗРААС ХЭРЭГЖҮҮЛЖ БАЙГАА БОДЛОГО ҮЙЛ АЖИЛЛАГАА, БҮТЭЭН БАЙГУУЛАЛТЫН АЖЛААС

ХОЙМОР НУТАГТ ХӨГЖЛИЙН БҮТЭЭН БАЙГУУЛАЛТУУД ӨРНӨСӨӨР                           

МОНГОЛ УЛСЫН 5 ДАХЬ НАРНЫ ЭХ ҮҮСГҮҮР ХӨВСГӨЛД 

  Мөрөн сумын зүүн урд талд баригдсан нарны цахилгаан станц нь жилд 20 сая кВт/ цаг цахилгаан үйлдвэрлэж, баруун бүсийн эрчим хүчний алдагдлыг өвөлдөө 60-70%, зундаа 100% бууруулах хүчин чадалтай нарны цахилгаан станц ашиглалтад ороход бэлэн боллоо. Ажлын гүйцэтгэл 80 хувьтай явагдаж байна Монгол улсад ашиглалтад орж буй 5 дахь станц нь салбартаа технологиороо тэргүүлсэн бүтээн байгуулалтын нэг юм.                                           

ХӨГЖЛИЙН БЭРХШЭЭЛТЭЙ ХҮНИЙ ХӨГЖЛИЙН ЖИШИГ ТӨВ БАЙГУУЛАГДЛАА

Хөгжлийн бэрхшээлтэй иргэд нийгэмшиж, хамтдаа хөгжих, амьдрах ухаанд суралцахад  чиглэсэн цогц үйлчилгээ бүхий жишиг төв Хөвсгөл аймгийн Мөрөн хотод байгуулагдлаа.

 1500 мкв талбайтай, 4 үндсэн блоктой, эрчим хүчний хэмнэлттэй тус барилга нь загвар, хийц, чанараараа хөгжлийн бэрхшээлтэй иргэдийн ая тухтай орчинд хөгжих, сэрээн засах үйлчилгээ авах боломжийг бүрэн хангажээ.  Монгол Улсад жишиг бүхий тус төвөөр аймгийн  5000 гаруй ХБИ  үйлчлүүлэх бүрэн боломжтой. Тус төв нь иргэдэд  үнэ төлбөргүй үйлчилгээ үзүүлэн ажиллаж байна.       

ХАТГАЛ-ЖАНХАЙ-ТОЙЛОГТ ЧИГЛЭЛИЙН ХАТУУ ХУЧИЛТТАЙ ЗАМЫГ БАРЬЖ ЭХЭЛЛЭЭ

Хатгал тосгон-Жанхайн даваа-Тойлогт чиглэлд 37,9 км зам, 8 авто зогсоолын хамт барих ажил 2022 онд эхэллэж бүтээн байгуулалтын ажил өрнөж байна.  Эрс тэс уур амьсгалтай,  цэвдгийн тархалт өндөр хойд бүсэд замын чанар, эдэлгээг тооцон Монгол улсад анх удаа хатуу хучилттай замын шинэ технологийг ашиглаж байна.

 Монгол Улсын Засгийн газар Азийн Хөгжлийн Банктай хамтран хэрэгжүүлж буй “Тогтвортой аялал жуулчлалыг хөгжүүлэх төсөл” ийн бүтээн байгуулалтуудын нэг хатуу хучилттай тус зам 2024 онд ашиглалтад орно. Аймаг орон нутгийн зүгээс замын норм, чанар стандартад анхаарч хамтран ажиллаж байна.                                                    

ХОГ ХАЯГДЛЫГ ШИЙДЭХ ОЛОН УЛСЫН ЖИШИГ БАЙГУУЛАМЖ ХАТГАЛД

Хөвсгөл аймгийн Хатгал тосгон, Ханх суманд  30 гаруй жил хуримтлагдсан хог, бохирдсон газрыг цэвэрлэж, дахин ашиглагдахгүй хог хаягдлыг устгах ландфилл байгууламжийг ашиглалтад орууллаа.

50 000 м куб багтаамжтай Хатгал тосгоны хог хаягдлыг 20 жил шийдэх,  дахивар ангилах талбай, хаягдлыг жинлэх автопүүтэй байгууламж юм.

 ОУ-ын стандартад нийцсэн  хатуу болон шингэн хог хаягдлын нэгдсэн байгууламж нь 21 аймгаас анх удаа Хөвсгөл аймагт баригдлаа. Монгол улсад жишиг байгууламж болж байгаагаараа онцлог юм.

 “ХӨВСГӨЛД ЗОЧЛОХ ЖИЛ” НЭРЛЭСЭН ЖИЛИЙН ХҮРЭЭНД ОРОН НУТГАА  СУРТАЛЧИЛЖ, ЖУУЛЧДЫГ ТАТАХ ЭВЕНТ АРГА ХЭМЖЭЭНҮҮД ЗОХИОН БАЙГУУЛЛАА

- Нүүдлийн мал аж ахуй, аялал жуулчлалын үйлдвэрлэл, үйлчилгээ голлосон бүс нутгийн байгаль орчин, орон нутаг, ахуй соёлоо сурталчлах, иргэдээ орлогожуулах гол үйл ажиллагааны нэг нь аялал жуулчлалыг дэмжсэн эвентүүд юм.

 - Хөвсгөл аймагтаа санаачлан зохион байгуулсан уламжлалт 8,  шинэ 2  эвент арга хэмжээнд үйлдвэрлэл үйлчилгээ эрхлэгч 453 иргэд, аж ахуйн нэгж хамрагдаж, дотоод, гадаадын 43252 аялагч амрагчид оролцлоо.

 Нийт 600,00,000 сая орчим төгрөгийн   бараа, үйлчилгээ борлуулж, аймгийн төсөвт  60-70 сая орчим  төгрөгийг  төвлөрүүлсэн байна.

Мөн аялал жуулчлалын улирлыг уртасгаж, өвлийн аялал жуулчлалыг хөгжүүлэхэд чиглэсэн  Цаа цасны баяр, нүүдэлчин ахуй соёлоо сурталчлах, өвлөн уламжлуулах зорилгоор Монгол бөхийн баяр, Тэсийн голын нүүдэлчид зэрэг эвентүүдийг  санаачлан, зочид, оролцогчдын тоо нэмэгдэж зөвхөн аялал жуулчлалын идэвхтэй улирал буюу 6-8 сард 77797  жуулчин Хөвсгөл аймгийг зорин ирлээ  Тус эвентүүдийг Хөвсгөлд зочлох жилийн хүрээнд аймгийн Засаг даргын захирамжаар хэрэгжүүлэн ажиллала

 ОРГАНИК МАХ ҮЙЛДВЭРЛЭГЧ АЙМАГ БОЛОХОО ЗАРЛАВ

Хөвсгөл аймаг  “Органик мах Хөвсгөл экспо-2023” өдөрлөгийг анх удаа зохион байгуулж, малыг эдийн засгийн эргэлтэд оруулах, зах зээлийг нээх, хөрөнгө оруулалтыг татах, шат дамжлагыг бууруулах зорилгоор тус арга хэмжээг өргөн цар хүрээнд зохион байгууллаа.

Мөн шилмэл үүлдрийн малаа шалгаруулж, уламжлалт идээ ундаа, органик мах, махан бүтээгдэхүүнээ танилцуулан, улмаар органик мах үйлдвэрлэгч, нийлүүлэгч аймаг болохоо зарлалаа.

               2030 он гэхэд хөдөө аж ахуйн бүтээгдэхүүн үйлдвэрлэлийн 5 хувийг органик баталгаажуулалтад хамруулах, ойрын ирээдүйд органик мах махан бүтээгдэхүүн экспортлогч аймаг болох зорилт тавьж, малаа бүртгэлжүүлэх, малчдаа чадавхжуулах, малын эрүүл бүсээ тэлэх ажлаа эхлүүллээ.

 “Органик мах хөвсгөл экспо-2023”, “Намрын ногоон өдрүүд Хөвсгөл” хамтатган зохион байгуулсан өдөрлөгт 21 сумын 200 шахам иргэн, аж ахуйн нэгж 250 гаруй нэр төрлийн бүтээгдэхүүнээрээ оролцож, 300 000 сая төгрөгийн борлуулалт хийлээ.

             Хөвсгөлчүүд “Органик Хөвсгөл” ийн төлөө хувь нэмрээ оруулж, хамтдаа бүтээж буйн нэг илэрхийлэл энэ юмаа.

ХӨВСГӨЛЧҮҮД ЖИЛД  360 ТЭРБУМ ТӨГРӨГИЙН МАЛЫН ГАРАЛТАЙ ТҮҮХИЙ ЭД ЗАХ ЗЭЭЛД НИЙЛҮҮЛЖ БАЙНА

-Хөвсгөл аймаг 6,3 сая толгой малтай, жилд 360 тэрбум төгрөгийн түүхий эд, бүтээгдэхүүн зах зээлд нийлүүлж, энэ чиглэлээр улсдаа тэргүүлж байна. 

                 -Тариалан эрхлэгч 70 гаруй аж ахуйн нэгж, төмс, хүнсний ногоо тариалагч 500 иргэн үр тарианыхаа хэрэгцээг 100%, төмсөө 70%, хүнсний ногоогоо 40% хангаж байна.

              - Хөвсгөл аймаг хувийн хэвшлийн 1600 аж ахуйн нэгж, хувиараа хөдөлмөр эрхчлэгч 1700 гаруй иргэн, 19934 малчин өрх, Хөвсгөл аймгийн тэргүүлэх салбар болох мал аж ахуйн салбарт бодит хувь нэмэр оруулан ажиллаж байна. 

ТӨРИЙН ҮЙЛЧИЛГЭЭГ ХЯЛБАРШУУЛАН АЖИЛЛАЖ БАЙНА

Аймгийн засаг даргын 2020-2024 оны үйл ажиллагааны хөтөлбөрт тусгагдсан цахим засаглал зорилтын хүрээнд Мөрөн сумын 40 мянга гаруй иргэд “ХУРДАН” ТӨВ”-өөр үйлчлүүлж байна

Төрийн үйлчилгээг алслагдсан сум, багийн иргэдэд түргэн шуурхай хүргэх боломжийг хангаж буй “ХУРДАН” төвийн үйл ажиллагааг бүх талаар дэмжин хамтран ажиллаж байна. Тус төвөөс иргэд төрийн 35 байгууллагын 440 үйлчилгээг "ХУРДАН" шуурхай, хүндрэл чирэгдэлгүй, хаанаас ч ойрхон хүлээн авах боломжтой

- Лавлагаа, тодорхойлолт 94 төрөл

- Нэг шатлалт үйлчилгээ 55 төрөл

- Олон шатлалт үйлчилгээ 291 төрөл

- Нийт 440 төрлийн үйлчилгээ үзүүлж байна

ТӨРИЙН АЛБАН ХААГЧДЫН ЦАЛИНГ НЭМЛЭЭ

Пилжээгийн Лхагважав Хөвсгөл аймгийн  Засаг даргаар томилогдоод 2023 онд   Төрийн албаны  чанар хүртээмжийг нэмэгдүүлэх, төрийн албан хаагчдын сахилга хариуцлага, цаг ашиглалт, харилцаа хандлага, ажлын бүтээмжийг дээшлүүлэхэд онцгой анхаарал хандуулан Төрийн албан хаагчдын цалинг 20 хувиар нэмж Төрийн албаны бүтээмжийг дээшлүүлэн ажиллаж байна.

“НЭЭЛТТЭЙ ХӨВСГӨЛ-2023” АРГА ХЭМЖЭЭГ УЛААНБААТАР ХОТОД ЗОХИОН БАЙГУУЛАВ

Хөвсгөл аймгийн Засаг даргын Тамгын газар, Хөвсгөл аймгийн Нутгийн зөвлөлтэй хамтран “Нээлттэй Хөвсгөл-2023” нэгдсэн цогц арга хэмжээг Улаанбаатар хотноо Сүхбаатарын талбайд 2023 оны 10 дугаар сарын 6,7-ны өдрүүдэд амжилттай зохион байгуулав.Хөвсгөл аймгаас гаралтай 200 гаруй аж ахуйн нэгж, жижиг дунд үйлдвэрлэл эрхлэгчид бизнес эрхлэгчдийн үйлдвэрлэсэн, нэвтрүүлсэн, зохион бүтээсэн  бараа бүтээгдэхүүн, үйлчилгээний үзэсгэлэн худалдааг 100 асарт байршуулан худалдаалж, 2 өдрийн нийт борлуулалтын орлого 1 тэрбум орчим төгрөгт хүрсэн орлогыг төвлөрүүлэв.

АЙМГИЙН ЗАСАГ ДАРГА П.ЛХАГВАЖАВ 5000 ГАРУЙ ИРГЭДТЭЙ УУЛЗАЖ САНАЛ ХҮСЭЛТИЙГ СОНСЛОО

Хөвсгөл аймгийн Засаг дарга Пилжээгийн Лхагважав 23 сум, нэг тосгондоо ажиллаж 5000 гаруй иргэд, хөдөлмөрчтэй биелэн уулзаж санал хүсэлтийг сонсон ажиллалаа.

Сум орон нутагт тулгамдсан асуудлыг эрэмбэлэн ирэх оны төсөвт суулган шийдвэрлэн ажиллахаа илэрхийллээ.

ОРОН НУТГИЙН ХАМГААЛАЛТЫН “ХЭЭРИЙН ДАДЛАГА” СУРГАЛТААР ТОМИЛГООТ БҮРЭЛДЭХҮҮНД ХУУЛИАР ХҮЛЭЭСЭН ҮҮРЭГ  БИЕЛҮҮЛЭХ ДАДЛАГА, УР ЧАДВАР ОЛГОЛОО

Монгол улсад Орон нутгийн хамгаалалтын тухай хууль 2018 онд батлагдсантай холбогдуулан 2019 онд Аймгийн орон нутгийн хамгаалалтын төлөвлөгөө, 2020 онд 24 сумдын Орон нутгийн хамгаалалтын төлөвлөгөөг тус тус батлуулж, Монгол Улсын Засгийн газрын Батлан хамгаалах зарим чиг үүргийг хэрэгжүүлэн ажиллалаа.  “Хээрийн дадлага” сургалтыг Баянзүрх сумын нутаг дэвсгэрт Улаан-Уул, Арбулаг, Алаг-Эрдэнэ, Хатгал тосгон, Баянзүрх зэрэг 5 сумдын томилгоот нэгжийн бүрэлдэхүүнтэй “Гамшгийн  хор уршгийг арилгах үеийн ОНХ-ын томилгоот нэгжийн ажиллагаа” сэдвийн хүрээнд зохион байгуулж томилгоот бүрэлдэхүүнд хуулиар хүлээсэн үүрэг  биелүүлэх дадлага, ур чадвар олгох, Төрийн цэргийн болон хууль сахиулах байгууллагуудтай хамтран үүрэг гүйцэтгэх, нэгдсэн зохион байгуулалтад оруулсан үр дүн гарлаа.

ХӨВСГӨЛ АЙМАГТ “ОЮУТАН ЦЭРЭГ ХӨТӨЛБӨР” ХЭРЭГЖЛЭЭ

Хөвсгөл аймагт  анх удаа Оюутан цэрэг хөтөлбөр хэрэгжиж байна. Тус аймаг дахь Политехник коллежийн оюутнууд хөтөлбөрт хамрагдлаа. Хоймор нутгийн залуус “Оюутан цэрэг хөтөлбөр”-т хамрагдаж цэргийн албаа амжилттай хаалаа.

ЭРҮҮЛ МЭНДИЙН САЛБАРТ 2023 ОНД ОРОН НУТГИЙН ХӨГЖЛИЙН САНГИЙН ХӨРӨНГӨ ОРУУЛАЛТААР 10 АРГА ХЭМЖЭЭГ ҮР ДҮНТЭЙ ХАМТРАН ЗОХИОН БАЙГУУЛЖ 823,5 САЯ ТӨГРӨГИЙН ХӨРӨНГӨ ОРУУЛАЛТЫГ ЭРҮҮЛ МЭНДИЙН САЛБАРТ ХИЙЛЭЭ

• Аймгийн Нэгдсэн эмнэлгийн 1 давхарыг 375,0 сая төгрөгөөр засварлаж эмчлүүлэгч үйлчлүүлэгчдийн ая тухтай байдлыг ханган ажиллалаа.
• Тосонцэнгэл сумын Эрүүл мэндийн төвийн бохирын цооногийг 80,0 сая төгрөгөөр шинэчилж, ариун цэврийн байгууламжийн хэвийн ажиллагааг хангалаа.
• 2023 онд зорилтот бүлгийн 4 эх 22 хүүхдэд 32 сая төгрөгний дэмжлэг үзүүлж, тэдний амь насыг авархад санхүүгийн дэмжлэг үзүүллээ
• Азийн хөгжлийн банкны хөрөнгө оруулалтаар Тариалан сумын Эрүүл мэндийн төвийг шинээр барих ажилтай холбогдуулан газрын чөлөөлөх ажилд 19,0 төгрөгийг зарцууллаа
• Алслагдсан сумын эх нярайг эсэн мэнд амаржихад шаардлагатай эхчүүдийн амрах байрыг шинээр барьж эхлэхэд 60,0 сая төгрөгийг эхний ээлжинд шийдвэрлэж ажлыг эхлүүллээ.
• 6 сумын Эрүүл мэндийн төвийг 2 төрлийн 6 ширхэг шүдний тоног төхөөрөмжөөр хангалаа.
• 1,2 дугаар багийн “Энх-Үйлс”өрхийн ЭМТ 2022 онд Улсын төсвийн хөрөнгө оруулалтаар шинээр баригдсантай холбогдуулан гадна хашааг шинээр барьлаа
• 3,4 дүгээр хорооны “Гурван гал “өрхийн Эрүүл мэндийн төвийн бохирын цооногийг 19,0 сая төгрөгөөр шинэчиллээ.
• Төгс бүсгүйчүүд ТББ-тай хамтран нийгмийн эмзэг бүлгийн эмэгтэйчүүдэд чиглэсэн тандалт, сургагч багшийн сургалтыг хамтран зохион байгууллаа.
• Хүн амын дундах эрт илрүүлэг үзлэгийг эрчимжүүлэхэд 74,0 сая төгрөгийг тус тус зарцууллаа.

БҮХ СУМДЫГ КАМЕРЖУУЛЖ, НЭГДСЭН СИСТЕМЭЭР ХЯНАНА

Хөвсгөл аймгийн 23 сум 1 тосгонд теле хяналтын камерын нэгдсэн системийг нэвтрүүлж, гэм хэрэг, зөрчлөөс урьдчилан сэргийлэх ажлыг эрчимжүүлэн ажиллаж байна. 2023-2024 онд хяналтын камер суурилуулах ажилд 500 сая төгрөг тусгаж, энэ онд 180 сая төгрөгөөр хяналтын камерын серверийн иж бүрэн шинэчлэлт хийж, Мөрөн сумын 46 цэгийн 101 камерыг хэвийн ажиллагааг ханган ажиллаж байна. Мөн 2024 онд 320 сая төгрөгийн сум бүрийн нэгдсэн системийн холболтыг хийж, гудамж талбайн камержуулалтыг 70 хувиар нэмэгдүүлнэ.