Авлигатай тэмцэх газрын дарга, тэргүүн комиссар З.Дашдаваагийн баталсан удирдамжийн хүрээнд “Авлига, ашиг сонирхлын зөрчлөөс урьдчилан сэргийлэх” чиглэлээр 2024.01.09-ны өдрөөс 2024.01.11-ний өдрүүдэд сургалт зохион байгуулагдаж байна. Сургалтыг авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар Ж.Мөнхжаргал-“Авлига, ашиг сонирхлын зөрчил, урьдчилан сэргийлэх тухай”, Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар С.Амартүвшин-“Эрүүгийн хуулийн нэмэлт өөрчлөлт, авлигын гэмт хэрэг урьдчилан сэргийлэх тухай” сэдвээр тус тус зохион байгуулж байна. Өнөөдрийн сургалтад аймгийн Цагдаагийн газар, Хилийн цэргийн 0257 дугаар анги, Шүүхийн шийдвэр гүйцэтгэх газар, Онцгой байдлын газар, Шүүхийн шинжилгээний алба, Зэвсэгт хүчний 321-р анги, Гадаадын иргэн харьяатын газрын хойд бүс дэх төлөөл, Гаалийн хороо болон аймгийн Засаг даргын эрхлэх асуудлын хүрээний агентлаг байгууллагуудын нийт 264 албан хаагч хамрагдлаа. Маргааш буюу 1 сарын 10-ны өдрийн 14 цагаас Мөрөн сумын ИТХ, ЗДТГ, 16 цагаас аймгийн ИТХ, ЗДТГ болон бусад төрийн байгууллагын албан хаагчид тус сургалтад хамрагдана. Тус сургалтад хувь хүн хуулийн этгээдийн төлөөлөл хамрагдах нь нээлттэй тул сургалтад хамрагдахыг урьж байна.