Тус суманд 2024 оны 11 дүгээр сарын 20-иос цас орж, түүнээс хойш 7 удаагийн цас орж, өвөлжилт хүндэрч байна. Нутгийн 70 гаруй хувь цасан бүрхүүлтэй болсон. 3420 толгой мал хорогдсон. Отрын 21520 толгой мал тус суманд оторлож байна.Малчид болон сум 8916 тонн өвс бэлтгэж, нөөцөө бүрэн дуусгасан. Аймгийн нөөцөөс 15 тонн хивэг өгсөн. Энэ нь нийт малчин өрхийн 60 хувьд хүрэлцэнэ.Туулах чадвар сайтай машин шийдвэрлэх хэрэгцээ байна. Эрүүл мэндийн төв унаагүй байгаа тухай сумын удирдлагууд танилцууллаа. Шуурхай штаб 10 тонн тэжээл болон 35 сая төгрөгийг шийдэж өглөө. Ингэснээр нийт 40 тонн тэжээлийн нөөц бүрдэнэ. Шуурхай штабаас тус суманд туулах чадвар сайтай Зил 131 машиныг гаргаж өгсөн бөгөөд дээрх 40 тонн тэжээлийг малчдад хүргэнэ.Сумын төсөвт байгууллагуудаас хэмнэгдсэн 50 сая төгрөгийг Засгийн газрын тогтоолын дагуу Зудын эрсдэлийн хариу арга хэмжээнд зарцуулахаар боллоо. Цасанд боогдсон Өлийн даваа, Гөнтгийн давааг нээх ажлыг эхлүүллээ. Мөн зудтай хэсгүүдэд байгаа малчдад хүн эмнэлгийн, мал эмнэлгийн багууд туслах ажлыг шуурхай зохион байгуулж эхэллээ.