ХЭВТРИЙН АСАРГААТАЙ ХӨГЖЛИЙН БЭРХШЭЭЛТЭЙ ХҮҮХЭД ИРГЭНИЙГ ГЭРИЙН НӨХЦӨЛД АСРАХ ЗӨВЛӨМЖ ӨГЧ АЖИЛЛАВ

Онцлох мэдээ Төрийн захиргааны удирдлагын хэлтэс Нийгмийн бодлогын хэлтэс

91

2024.05.28
Тус сургалтад хөгжлийн бэрхшээлтэй хүүхэд болон иргэнийг асарч байгаа 60 асран хамгаалагч хамрагдлаа.

Хөвсгөл аймаг Хөгжлийн бэрхшээлтэй хүний хөгжлийн төв, Хөгжлийн бэрхшээлтэй иргэдийн салбар зөвлөлтэй хамтран Хэвтрийн асаргаатай хөгжлийн бэрхшээлтэй хүүхэд иргэнийг гэрийн нөхцөлд хэрхэн зөв асрах вэ? сургалтыг зохион байгууллаа. Тус сургалтад хөгжлийн бэрхшээлтэй хүүхэд болон иргэнийг асарч байгаа 60 асран хамгаалагч хамрагдлаа. Сургалтыг АЗДТГ-ын НБХ-ийн ахлах мэргэжилтэн М.Даваадулам, Хөвсгөл аймаг Хөгжлийн бэрхшээлтэй хүний хөгжлийн Төвийн дарга Ц.Оюун-Эрдэнэ, Мөрөн сумын хөгжлийн бэрхшээлтэй иргэдийн холбооны тэргүүн С.Лонжид нар нээж үг хэллээ. Сургалтын эхний үед: Нуруу нугасны гэмтлийн асаргаа гэж юу вэ? (ХНО-ны мэргэжилтэн Г.Дэлгэрнасан) Тархины цус харвалтын сэргээн засах эмчилгээний ач холбогдол (Хүүхдийн хөдөлмөр засалч А.Хишигбуян) Хөгжлийн бэрхшээлтэй хүүхэдтэй ажиллах арга зүй (МУ-н зөвлөх багш Ч.Лхагвасүрэн) Хүүхдийн тархины саа саажлын дараах хөдөлгөөн засал эмчилгээний ач холбогдол (Хүүхдийн хөдөлгөөн засалч Д.Отгончимэг) Хэвтрийн асаргааны үеийн туслах хэрэглэгдэхүүн болон ортез протезын хэрхэн ашиглах вэ? (Туслах хэрэгслийн техникч С.Төмөрсүх) сэдвээр сургалт, мэдээлэл өгч ажиллалаа.