НҮБ-ын Хүүхдийн сангийн Монгол дахь Суурин төлөөлөгч Эваристе Кауасси Комлан манай аймагт хүрэлцэн ирж салбар дундын оролцоотой уулзалт, ярилцлага зохион байгууллаа. НҮБ-ын Хүүхдийн сангийн Монгол дахь Суурин төлөөлөгч Эваристе Кауасси Комланыг аймгийн Засаг даргын орлогч М.Хуягбаатар хүлээн авч уулзаж, уулзалтад аймгийн Засаг даргын Тамгын газрын Нийгмийн бодлогын хэлтэс, Гэр бүл,хүүхдийн хөгжил хамгааллын газар, Эрүүл мэндийн газар, Хөгжлийн бэрхшээлтэй хүний хөгжлийн төвийн төлөөлөл оролцож орон нутагт хамтран хэрэгжүүлж буй төсөл хөтөлбөрийн хэрэгжилтийн талаар санал солилцлоо. Мөн НҮБ-ын Хүүхдийн сангийн Монгол дахь Суурин төлөөлөгч Эваристе Кауасси Комлан Хөгжлийн бэрхшээлтэй хүний хөгжлийн төв, “Гэр бүл, хүүхэд хөгжил хамгааллын газрын” дэргэдэх “Нэг цэгийн үйлчилгээний төв”-ийн үйл ажиллагаатай танилцаж тулгамдаж буй асуудлыг сонсож хамтран хэрэгжүүлэхээр санал солилцлоо.Үүний үр дүнд Өсвөр үеийнхэнд үзүүлэх сэтгэцийн эрүүл мэндийн асуудал болон Хөгжлийн бэрхшээлтэй иргэдийн нарийвчилсан судалгаа хийх үйл явц, алслагдсан сум багийн хөгжлийн бэрхшээлтэй хүүхдэд явуулын үйлчилгээ үзүүлэхэд дэмжлэг үзүүлэх,“Гэр бүл, хүүхэд хөгжил хамгааллын газрын” дэргэдэх “Нэг цэгийн үйлчилгээний төв”-ийг шинэ байртай болгох талаар хамтран төсөл боловсруулж, донор байгууллагуудтай хамтран ажиллахаар боллоо.