Аймгийн Засаг дарга Ш.Идэрбаясгалан хэлсэн үгэндээ: Хөвсгөл аймагт Шинжлэх ухаан, технологи, инновацийг нутагшуулах ажилд идэвх санаачлагатай оролцож, хоймор нутагт хүрэлцэн ирж мэдээлэл технологийн боломжийг нээж байгаа эрдэмтэн судлаачдад талархал илэрхийлж, салбар салбарын технологийг харуулсан үзэсгэлэн дэлгэгдэж байгаа нь Хөвсгөлчүүдэд олон зүйлийг таниулах, нутагтаа өвлөх том боломж байгааг онцоллоо. Шинжлэх ухаан, технологи, инновацийн ололт амжилтыг түгээн дэлгэрүүлэх, сурталчлах, орон нутагт тулгамдаж буй асуудлыг шинжлэх ухаанд тулгуурлан шийдвэрлэх соёлыг бий болгох, мэдээллийн технологийн боломжийг орчин үеийн чиг хандлагыг таниулах, эрдэм шинжилгээний ажлын үр дүнг үйлдвэрлэл үйлчилгээнд нэвтрүүлэх чиглэлд орон нутгийн хамтын ажиллагааг өргөжүүлэхэд хамтран ажиллахаа илэрхийлэв.Их дээд сургууль, Эрдэм шинжилгээний байгууллага, хувийн хэвшлийн 20 гаруй байгууллагуудын 220 гаруй бүтээгдэхүүн үйлчилгээний үзэсгэлэн 50,100 "Эвент халл"-д дэлгэгджээ. Аяны үйл ажиллагаа хөтөлбөрийн дагуу 2 өдөр үргэлжлэв.