Монголын тусгай олимпын хорооноос оюуны хөгжлийн онцлогтой иргэд, тэдгээрийн гэр бүлд зориулсан олимпын хөдөлгөөнийг сурталчлах спортын цогц арга хэмжээг 2024 оны 11 дүгээр сарын 01-03-ны өдрүүдэд Өвөрхангай аймгийн Арвайхээр хотод зохион байгууллаа.Тус арга хэмжээнд Архангай, Баянхонгор, Булган, Орхон, Өвөрхангай, Хөвсгөл аймгийн 200 гаруй төлөөлөл оролцож сургалт, спортын өдөрлөг, гэр бүлийн сургалт, эрүүл мэндийн үзлэгт хамрагдсан.Спортын 4 төрлийн нөхөрсөг тэмцээнд төрийн байгууллага, төрийн бус байгууллага, эцэг эх, асран хамгаалагч баг болж, амжилттай оролцлоо.Биеийн тамир, спортын газар, Хөвсгөл аймгийн Хөгжлийн бэрхшээлтэй хүний хөгжлийн төв, ерөнхий боловсролын “Титэм”, “Эрдмийн далай”, “Сод-Эрдэм” сургууль, төрийн байгууллагын төлөөлөл 8, оюуны онцлогтой хүүхэд, залуучууд 16, эцэг, эх асран хамгаалагч 6 зэрэг 30 гаруй төлөөлөл хамрагдлаа.