Монгол Улсын Засгийн газрын 2024-2028 оны үйл ажиллагааны хөтөлбөрт тусгагдсан Төрийн албаны шинэчлэл бодлогын хүрээнд чадахуйн зарчимд суурилсан оновчтой бүтэц бүхий төрийн албыг бэхжүүлж, төрийн албан хаагчийн бүтээмжийг нэмэгдүүлэх, хяналт шалгалтын тогтолцоог сайжруулах, олон улсын үнэлгээний цогц системийг хөгжүүлж, бодлогын баримт бичгүүдийн хэрэгжилтийн үнэлгээг боловсронгуй болгох зорилтын хүрээнд Засгийн газрын Хяналт хэрэгжүүлэх газраас хэрэгжүүлж буй үйл ажиллагааны талаар мэдээлэл өгөх, мониторинг, үнэлгээний шинэчлэн боловсруулсан журмын төслүүдийг танилцуулж, хэлэлцүүлэг зохион байгууллаа. Хөвсгөл аймгийн Засаг даргын Тамгын газрын болон аймгийн Засаг даргын эрхлэх асуудлын хүрээний агентлагийн удирдлага, бодлого төлөвлөлт, тайлагналт, хяналт-шинжилгээ, үнэлгээ, хяналт шалгалт, дотоод хяналтын чиг үүргийг хэрэгжүүлэгч албан хаагчид, төрийн болон орон нутгийн өмчит байгууллагын төлөөлөлүүд хамрагдлаа.

Санаачлагч: Засгийн газрын Хяналт хэрэгжүүлэх газар

Хамтран зохион байгуулагч: Хөвсгөл аймгийн Засаг даргын Тамгын газрын Хяналт-шинжилгээ, үнэлгээний хэлтэс