Мэдээ, мэдээлэл
СУРГАЛТ ЗОХИОН БАЙГУУЛЛАА
Мэдээ
Хяналт-шинжилгээ, үнэлгээний хэлтэс
51
2024.11.21
МОНГОЛ УЛСЫН ХӨГЖЛИЙН БОДЛОГО, ХЭРЭГЖИЛТ-ҮР ДҮНД СУУРИЛСАН ТӨЛӨВЛӨЛТ, ГҮЙЦЭТГЭЛ” СЭДЭВТ СУРГАЛТ
Хөгжлийн бодлого төлөвлөлт, байгууллагын стратеги төлөвлөгөө болон гүйцэтгэлийн төлөвлөгөөг уялдуулан төлөвлөх, тэдгээрийн хэрэгжилтэд хяналт-шинжилгээ, үнэлгээ хийх арга зүйн мэдлэг, ур чадвар эзэмшүүлэх зорилгоор аймгийн Засаг даргын Тамгын газраас Удирдлагын академид бэлтгэгдсэн Сургагч багш нар “Монгол Улсын хөгжлийн бодлого, хэрэгжилт - Үр дүнд суурилсан төлөвлөлт, гүйцэтгэл” сэдэвт сургалтыг 23 сум, 1 тосгон, аймгийн Засаг даргын 2024-2028 онд хэрэгжүүлэх үйл ажиллагааны хөтөлбөр боловсруулах ажлын хэсгийн бүрэлдэхүүн, аймгийн Засаг даргын Тамгын газар, агентлаг байгууллагын бодлогын мэргэжилтнүүд оролцсон 100 гаруй албан хаагчдын дунд амжилттай зохион байгууллаа.
Сургалтын хүрээнд “Алсын хараа” Монгол Улсын урт хугацааны хөгжлийн бодлого, Шинэ сэргэлтийн бодлого, Засгийн газрын 2024-2028 онд хэрэгжүүлэх үйл ажиллагааны хөтөлбөртэй уялдуулан аймгийн Засаг даргын болон сумын Засаг даргын үйл ажиллагааны хөтөлбөрийг хэрхэн боловсруулах арга зүйг танилцуулж, тэдгээрийг байгууллагын стратеги болон гүйцэтгэлийн төлөвлөгөөнд хэрхэн тусгах, хэрэгжилтэд хяналт-шинжилгээ, үнэлгээ хийх аргачлалыг агуулсан нийт 12 академик цагийн мэдлэгийг олголоо.