Мэдээ, мэдээлэл
МӨРӨН СУМЫН ЖУУЛЧНЫ ГУДАМЖ ТОХИЖУУЛАХ АЖЛЫГ "ТОГТВОРТОЙ АЯЛАЛ ЖУУЛЧЛАЛЫГ ХӨГЖҮҮЛЭХ ТӨСӨЛ"-ТЭЙ ХАМТРАН ХИЙЖ ГҮЙЦЭТГЭНЭ.
Мэдээ
Фото мэдээ
61
2024.11.23
Тусгай хамгаалалттай газар нутагт тогтвортой аялал жуулчлал хөгжүүлэх үндэсний загварыг бий болгох; төсөл хэрэгжиж буй орон нутгийн байгаль хамгаалал, аялал жуулчлал, эдийн засгийн асуудлыг цогцоор шийдвэрлэхэд дэмжлэг үзүүлэх зорилгоор Азийн хөгжлийн банкны зээлийн санхүүжилтээр Хөвсгөл аймагт хэрэгжиж буй “Тогтвортой аялал жуулчлалыг хөгжүүлэх төсөл”-ийн орон нутгийн менежер М.Батчимэг аймгийн Засаг дарга Л.Төмөрбаатар болон холбогдох албаны хүмүүстэй уулзаж төслийн хэрэгжилт болон 2025 оны төлөвлөгөөг танилцууллаа. Тус төсөл 2019-2026 оны хооронд хэрэгжих бөгөөд төслийн хүрээнд
1. Хатуу хог хаягдлын ландфилын байгууламжийг барьж байгуулах
2. Бохир ус цэвэрлэх байгууламжийг барьж байгуулах
3. Жуулчны мэдээллийн төв болон Хөвсгөлийн тусгай хамгаалалттай газрын Хамгаалалтын захиргааны оффисын барилга барьж байгуулах
4. Тусгай хамгаалалттай газарт нэвтрэх цэгийг барих
5. Хөвсгөл нуурын эрэг дагуу 3 байршилд аялагч жуулчдад зориулсан ариун цэврийн байгууламж барих
6. Мөрөн сумын хүүхдийн паркийн хуучин нүхэн жорлонг буулгаж шинээр хүүхэд залуучуудад зориулсан ариун цэврийн байгууламж шинээр барих.
7. Хөвсгөл нуур, Жанхайн давааны худалдааны төвийн тохижилтыг хийх
8. Хөвсгөл нуурын эрэг дагуу 37,9км авто замын бүтээн байгуулалтыг барих ажлыг санхүүжүүлэн ажиллаж байна.
Эдгээрээс, 2024 онд Ханх сум болон Хатгал тосгон байршилтай бохир ус цэвэрлэх байгууламж, ландфиллын байгууламжуудыг тоног төхөөрөмжийн хамт ашиглалтад хүлээлгэн өгсөн байна. Мөн 1984 оноос Харганы аманд байрлах 8,2га талбайг хамарсан хуучин хогийн цэг, Ханх суманд байрлах 3,5 га талбайг хамарсан хуучин хогийн цэгүүдэд техникийн нөхөн сэргээлтийн бүрэн хийж дуусгасан байна.
Харин 2025 онд Хатгалд баригдах Жуулчны мэдээллийн төв, нэвтрэх цэг, ариун цэврийн байгууламж, Жанхайн давааны тохижилт, 37,9км авто замын бүтээн байгуулалтын ажил үргэлжлэн хийгдэнэ хэмээн танилцууллаа.
Аймгийн Засаг дарга Л.Төмөрбаатар ашиглалтад хүлээлгэн өгсөн байгууламжуудад аймгаас анхаарч ажиллахаа илэрхийлж төслийн хүрээнд баригдах байсан Мөрөн сумын жуулчны гудамж тохижуулах ажлын нэмэлт санхүүжилтийг шийдвэрлэхэд дэмжиж хамтран ажиллахаа илэрхийллээ.