Мэдээ, мэдээлэл
”МОНГОЛ УЛСЫН ХӨГЖЛИЙН БОДЛОГО, ХЭРЭГЖИЛТ-ҮР ДҮНД СУУРИЛСАН ТӨЛӨВЛӨЛТ, ГҮЙЦЭТГЭЛ” СЭДЭВТ СУРГАЛТ ЗОХИОН БАЙГУУЛАГДАЖ БАЙНА.
Онцлох мэдээ
50
2024.11.27
Хөгжлийн бодлого төлөвлөлт ба байгууллагын стратеги, гүйцэтгэлийн төлөвлөгөөг уялдуулан төлөвлөх, тэдгээрийн хэрэгжилтэд хяналт-шинжилгээ, үнэлгээ хийх арга зүйн мэдлэг, ур чадвар эзэмшүүлэх зорилгоор аймгийн Засаг даргын Тамгын газраас Удирдлагын академид бэлтгэгдсэн Сургагч багш нар “Монгол Улсын хөгжлийн бодлого, хэрэгжилт- Үр дүнд суурилсан төлөвлөлт, гүйцэтгэл” сэдэвт сургалт зохион байгуулагдаж байна.
Энэхүү сургалтад аймгийн Засаг даргын 2024-2028 онд хэрэгжүүлэх үйл ажиллагааны хөтөлбөр боловсруулах ажлын хэсгийн бүрэлдэхүүн, аймгийн Засаг даргын Тамгын газар, агентлаг байгууллагын бодлогын мэргэжилтнүүд оролцож байна.
Сургалтын хүрээнд “Алсын хараа” Монгол Улсын урт хугацааны хөгжлийн бодлого, Шинэ сэргэлтийн бодлого, Засгийн газрын 2024-2028 онд хэрэгжүүлэх үйл ажиллагааны хөтөлбөртэй уялдуулан аймгийн Засаг даргын болон сумын Засаг даргын үйл ажиллагааны хөтөлбөрийг хэрхэн боловсруулах арга зүйг танилцуулж, тэдгээрийг байгууллагын стратеги болон гүйцэтгэлийн төлөвлөгөөнд хэрхэн тусгах, хэрэгжилтэд хяналт-шинжилгээ, үнэлгээ хийх аргачлалыг агуулсан нийт 12 академик цагийн мэдлэгийг олгох юм.
