Мэдээ, мэдээлэл
ӨНӨӨДӨР УЛСЫН ОНЦГОЙ КОМИСС 21 АЙМГИЙН ОНЦГОЙ КОМИССТОЙ ЦАХИМ ХУРАЛ ХИЙЛЭЭ.
Онцлох мэдээ
33
2024.11.27
Цаашид хүйтний үе болох арван хоёр, нэгдүгээр саруудад ихэнх нутгаар олон жилийн дунджаас ХҮЙТЭН, хур тунадас дунджийн орчим болон түүнээс ахиу байх төлөвтэй байгаа тул болзошгүй хүндрэлийг тооцоолон өвөлжилтийн бэлтгэл ажлыг тасралтгүй авч хэрэгжүүлэх шаардлагатай байгааг УОК-оос онцлон анхаарууллаа.
Монгол улсын Шадар сайд бөгөөд Улсын Онцгой комиссын дарга С.Амарсайхан дэлхийн уур амьсгалын өөрчлөлттэй холбоотой энэ өвөл цас орж, олон жилийн дунджаас хүйтэн байх төлөвтэй тул орон нутаг, малчид 2024-2025 оны өвөлжилт, хаваржилтын бэлтгэл ажлыг хангасан байдал, "Шинэ хоршоо хөдөлгөөн"-ий үйл явц, малчдад тулгамдаж буй асуудлыг сонсох бүлэг гаргаж, газар дээр нь ажиллах талаар үүрэг, чиглэл өгсөн. Мөн Улсын онцгой комиссын ажиллах журамд заасны дагуу гамшгийн аюул ослоос урьдчилан сэргийлэх ажлын хүрээнд 24 цагийн шуурхай штабыг байгуулан ажиллаж байгаа бөгөөд орон нутагт шуурхай штаб байгуулан ажиллахыг аймаг, дүүргийн онцгой комисст тусгайлан даалгалаа.
