Мэдээ, мэдээлэл
"ХАМТДАА ХӨГЖСӨН ОН ЖИЛҮҮД” ТӨГСӨЛТИЙН АРГАЧЛАЛЫН ҮР ДҮНГИЙН БАЯРЫН АРГА ХЭМЖЭЭ ЗОХИОН БАЙГУУЛАГДЛАА
Мэдээ
42
2025.01.13
Дэлхийн Зөн Монгол ОУБ-ын Хөвсгөл ОНХ нь “Өрхийн амьжиргааг дэмжих” хөтөлбөрийнхөө хүрээнд өрхийн хүсэл зорилго, ур чадварын давуу талд тулгуурлан өрхийн амьжиргааг сайжруулах, тогтворжуулах зорилгоор 2018 оноос Хөвсгөл аймгийн Төрийн байгууллагуудтай хамтран 400 өрхийн бизнесийг дэмжсээр ирсэн билээ.
Хөвсгөл ОНХ- ийн 2020-2024 онд хэрэгжсэн “Төгсөлтийн аргачлал”-д хамрагдсан 200 өрхийн төгсөлт буюу “Хамтдаа хөгжсөн он жилүүд” үр дүнгийн баярын арга хэмжээг аймгийн Засаг даргын Тамгын газартай хамтран зохион байгуулж, энэхүү арга хэмжээнд аймгийн Засаг даргын орлогч Ц.Гансүх, Нийгмийн бодлогын хэлтсийн дарга Д.Цэцэгмаа, ДЗМОУБ-ын Хөвсгөл ОНХ-ийн менежер Б.Отгонзаяа болон аймгийн Хүнс, хөдөө, аж ахуйн газар, Хөдөлмөр, халамжийн үйлчилгээний газар, Мөрөн сумын ЗДТГ, Политехникийн коллеж, ХАҮТ-ын Хөвсгөл аймаг дахь танхимын удирдлагууд, холбогдох мэргэжилтнүүд, мөн Мөрөн, Бүрэнтогтох, Төмөрбулаг сумдын “Төгсөлтийн аргачлал”-д хамрагдсан өрхийн гишүүд оролцлоо.
ДЗМОУБ-ын Хөвсгөл ОНХ нь “Төгсөлтийн аргачлалын туршлага, хэрэгжсэн арга барил, тоо баримт, үйл ажиллагааны нэгдсэн үр дүнгийн бичлэгийг оролцогчдод танилцуулж, Төгсөлтийн аргачлалын өрхүүдийн бүтээлийн үзэсгэлэнг дэлгэн тавилаа.
Мөн цаашид орон нутгийн Төрийн болон, төрийн бус байгууллагуудаас үзүүлэх тусламж дэмжлэг, боломжуудад өрхүүдийг хамруулах, шаардлагатай дэмжлэгүүдийг хүргэх талаар төрийн байгууллагууд болон оролцогчдын дунд нээлттэй хэлэлцүүлэг зохион байгууллаа.
