Мэдээ, мэдээлэл
ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙД М.БАДАМСҮРЭН ХӨВСГӨЛ АЙМАГТ АЖИЛЛАЖ БАЙНА.
Мэдээ
Хөгжлийн бодлого, төлөвлөлт Хөрөнгө оруулалтын хэлтэс
8
2026.01.05
ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙД М.БАДАМСҮРЭН ХӨВСГӨЛ АЙМАГТ АЖИЛЛАЖ БАЙНА.
Хүнс, хөдөө аж ахуй, хөнгөн үйлдвэрийн сайд М.Бадамсүрэн Хөвсгөл аймагт ажиллаж, аймгийн Хүнс, хөдөө аж ахуйн газрын албан хаагчидтай уулзлаа. Уулзалтаар ХХААХҮЯ-наас хэрэгжүүлж буй бодлого, шийдвэрүүд, салбарын өнөөгийн нөхцөл байдал, тулгамдаж буй асуудал болон цаашдын бодлого, шийдлийн талаар санал солилцов.
Хөвсгөл аймаг нь 2025 оны байдлаар 137,017 хүн амтай, жилийн эцсийн мал тооллогын урьдчилсан дүнгээр 5.3 сая гаруй толгой малтай. Аймагт 22,200 малтай өрх, үүнээс 20,065 нь малчин өрх бөгөөд хөдөө аж ахуйн салбарт 34,632 хүн ажиллаж байна. Хөдөө аж ахуй нь аймгийн дотоодын нийт бүтээгдэхүүний 52.2 хувийг бүрдүүлж, салбарын эдийн засагт эзлэх байр суурь өндөр хэвээр байна.Гэсэн хэдий ч малын гаралтай түүхий эд, бүтээгдэхүүний үнэ буурч, бэлчээрийн даац хэтрэх, өвс тэжээлийн хангамж муудах, уур амьсгалын өөрчлөлтөөс шалтгаалсан ган, зудын эрсдэл нэмэгдэх зэрэг тулгамдсан асуудлууд байсаар байгааг уулзалтын үеэр хөндлөө.Эдгээр асуудлыг шийдвэрлэх хүрээнд уулзалтаар бэлчээрийн усан хангамжийг сайжруулах гүн өрмийн худаг байгуулах, үлийн цагаан оготнотой механик аргаар тэмцэх ажлыг санхүүжүүлэх, тэжээлийн зориулалттай таримал тэжээл тариалалтыг нэмэгдүүлэх, Судалгаа хөгжлийн төв байгуулах, шинэ оффисын техник тоног төхөөрөмжийг шийдвэрлэх, мөн анхан болон дунд шатны албан хаагчдыг дотоод, гадаадын сургалт, туршлага судлуулахад үе шаттай хамруулах асуудлыг дэмжихээр боллоо.
