Мэдээ, мэдээлэл
ОРОН НУТГИЙН ТӨСӨВ, ТӨРИЙН САНГИЙН ТУЛГАМДСАН АСУУДЛЫГ ХЭЛЭЛЦЭВ.
Мэдээ
Төрийн захиргааны удирдлагын хэлтэс
15
2026.01.06
ОРОН НУТГИЙН ТӨСӨВ, ТӨРИЙН САНГИЙН ТУЛГАМДСАН АСУУДЛЫГ ХЭЛЭЛЦЭВ.
Сангийн дэд сайд Б.Хулан аймгийн Татварын газар, Гаалийн газар, Санхүү, төрийн сангийн хэлтэс болон төсөвт байгууллагын нягтлан бодогч нартай уулзаж, салбарын үйл ажиллагаатай танилцлаа.
Уулзалтын үеэр аймгийн Санхүү, төрийн сангийн хэлтсийн зүгээс орон нутгийн төсөв, санхүүгийн өнөөгийн нөхцөл байдлын талаар дэлгэрэнгүй танилцуулж, тулгамдаж буй олон асуудлуудын талаар санал солилцов.Цаашид анхаарах шаардлагатай асуудлуудад орон нутгийн орлого, зарлагыг бодит гүйцэтгэлтэй уялдуулан хянаж, баталдаг байх, орон нутгийн чиг үүрэгт хамаарах зардлуудыг суурь зардалд бүрэн тусгах, мөн орон нутгийн төсвийн байгууллагуудын орон тоо, цалингийн сан, байр ашиглалтын зардлыг хянаж батлахдаа холбогдох яам, газруудтай хамтын ажиллагаагаа сайжруулж, цогцоор нь бүрэн шийдвэрлэх шаардлагатай байна.Мөн орон нутгийн байгууллагуудад ажиллаж буй төрийн захиргааны албан хаагчдын цалинг бусад салбарын ажиллагсдын цалинтай уялдуулан нэмэгдүүлэх, нягтлан бодогч, нярав, үйлчилгээний албан хаагчдыг төрийн албанд тасралтгүй ажилласны тэтгэмж авах эрх зүйн орчныг бүрдүүлэх зэрэг асуудлаар санал, хүсэлтүүдээ илэрхийллээ.Уулзалт нь орон нутагруу чиглэсэн төсвийн бодлого, хэрэгжилтийг сайжруулах, салбар хоорондын уялдаа холбоог бэхжүүлэхэд ач холбогдолтой боллоо.
