Мэдээ, мэдээлэл
“ӨВ ХАМГААЛАГЧИД” ХИЧЭЭЛИЙН ХӨТӨЛБӨРИЙН УРАЛДААН ЗАРЛАГДЛАА.
Мэдээ
Төрийн захиргааны удирдлагын хэлтэс
102
2026.01.30
“ӨВ ХАМГААЛАГЧИД” ХИЧЭЭЛИЙН ХӨТӨЛБӨРИЙН УРАЛДААН ЗАРЛАГДЛАА.
ШУА-ийн Археологийн хүрээлэнгээс хэрэгжүүлж буй “Өв хамгаалагчид” албан бус соёлын өвийн боловсролын хөтөлбөрийн хүрээнд Ерөнхий боловсролын сургуулийн багш нар, 11–16 насны сурагчдын хамтарсан багт зориулсан хичээлийн хөтөлбөр, дүрс бичлэгийн уралдаан зарлагдлаа.
Энэхүү уралдааны зорилго нь үндэснийхээ соёлын өв, уламжлал, түүх, соёлын үл хөдлөх дурсгалыг танин мэдүүлэх, үнэ цэнийг ойлгуулах, хайрлан хамгаалах, бүтээлч сэтгэлгээг хөгжүүлэх, тухайн сэдвийг сургуулиудад заах шинэ арга хэлбэрийг төлөвшүүлэхэд уриалан дэмжих, сурагчдыг судалгаанд суурилсан бүтээлч сэтгэлгээ хандлагатай болоход идэвхжүүлэх, соёлын өвийг хүүхэд, залуу үе, олон нийтэд илүү хүртээмжтэй, ач холбогдолтой болгох зэрэг болно.“Өв хамгаалагчид” хичээлийн хөтөлбөрийн уралдааны шагналын сан нийт 21.500.000 төгрөг байна.
