Мэдээ, мэдээлэл
МӨРӨН СУМЫН МАЛЧИН Ч.МӨНХБАТ “УЛСЫН АВАРГА МАЛЧИН” ЦОЛ ХҮРТЛЭЭ.
Мэдээ
Нийгмийн бодлогын хэлтэс
2
2026.02.11
МӨРӨН СУМЫН МАЛЧИН Ч.МӨНХБАТ “УЛСЫН АВАРГА МАЛЧИН” ЦОЛ ХҮРТЛЭЭ.
МӨРӨН СУМЫН МАЛЧИН Ч.МӨНХБАТ “УЛСЫН АВАРГА МАЛЧИН” ЦОЛ ХҮРТЛЭЭ.
XVII жарны “Сүрээр дарагч” хэмээх Гал морин жилийн босгон дээр Мөрөн сумын Элст багийн малчин Чимэддорж овогтой Мөнхбат “Улсын аварга малчин” цол хүртлээ.
Шагналыг Монгол Улсын Их Хурлын гишүүн Л.Мөнхбаатар, аймгийн Засаг даргын орлогч Ц.Гансүх болон сумын удирдлагууд гардуулан өгч, хүндэтгэл үзүүлэв.
Ч.Мөнхбат нь мал аж ахуйн салбарт тасралтгүй 30 жил хөдөлмөрлөж яваа тэргүүний малчдын нэг юм. Тэрээр сүүлийн гурван жилд 1041-1693 толгой малыг таван төрөл дээр өсгөн үржүүлж, мал сүргийнхээ ашиг шимийг нэмэгдүүлэн ажиллажээ.
Нийгмийн хариуцлагын хүрээнд 5-7 хүнийг түр болон байнгын ажлын байраар ханган ажиллуулж, орон нутгийн хөгжилд хувь нэмэр оруулж байна. Мөн энэ хугацаанд хонины ноос 3266 кг, ямааны ноолуур 264 кг, мах 13 406 кг, сүү 160 литрийг тус тус бэлтгэн нийлүүлжээ. Малын тоо толгойн албан татварт 2 312.5 мянган төгрөг, бусад татварт 538.0 мянган төгрөгийг төлсөн байна. Түүний олон жилийн хөдөлмөр зүтгэлийг төр засгаас өндрөөр үнэлж, 2020 онд “Сумын аварга малчин”, 2023 онд “Аймгийн аварга малчин”-аар шалгаруулж байсан бол ийнхүү улсын хэмжээнд шилдгээр тодорч, эрхэм хүндтэй шагналын эзэн боллоо.
Орон нутагтаа ажлын байрыг нэмэгдүүлж, хөдөлмөрч, хичээнгүй зангаараа бусдыгаа манлайлан ажиллаж буй тэргүүний малчин Ч.Мөнхбат болон түүний гэр бүлд “Улсын аварга малчин” цол хүртсэнд нь чин сэтгэлийн баяр хүргэж, аз жаргал, эрүүл энх, сайн сайхан бүхнийг хүсэн ерөөе.
Буянт мал сүргийнхээ ашиг шимийг хүртэн “Улсын аварга малчин” хэмээх эрхэм хүндтэй цол хүртсэн танай гэр бүлд чин сэтгэлийн баяр хүргэж, аз жаргал, эрүүл энх, сайн сайхан бүхнийг хүсэн ерөөе.
