Мэдээ, мэдээлэл
2025 ОНЫ “ШУДАРГА БАЙДЛЫН ҮНЭЛГЭЭ”-НИЙ ДҮНГЭЭР ХӨВСГӨЛ АЙМАГ 21 АЙМГААС 3 ДУГААР БАЙРТ ШАЛГАРЛАА
Мэдээ
Төрийн захиргааны удирдлагын хэлтэс
5
2026.02.27
2025 ОНЫ “ШУДАРГА БАЙДЛЫН ҮНЭЛГЭЭ”-НИЙ ДҮНГЭЭР ХӨВСГӨЛ АЙМАГ 21 АЙМГААС 3 ДУГААР БАЙРТ ШАЛГАРЛАА
2025 ОНЫ “ШУДАРГА БАЙДЛЫН ҮНЭЛГЭЭ”-НИЙ ДҮНГЭЭР ХӨВСГӨЛ АЙМАГ 21 АЙМГААС 3 ДУГААР БАЙРТ ШАЛГАРЛАА
Авлигатай тэмцэх газар-аас зохион байгуулдаг “Шударга байдлын үнэлгээ”-ний 2025 оны дүнгээр Хөвсгөл аймаг 21 аймгаас 3 дугаар байрт шалгарч, 79.8 хувийн үнэлгээ авлаа. Тус үнэлгээнд 16 яам, 34 агентлаг, 21 аймаг болон нийслэлийн Засаг даргын Тамгын газар хамрагдсан бөгөөд Хөвсгөл аймаг өмнөх оноос үнэлгээ, байр сууриа мэдэгдэхүйц ахиулсан амжилт үзүүлэв. Тодруулбал, 2024 онд 68.5 хувийн үнэлгээтэйгээр 12 дугаар байрт эрэмбэлэгдэж байсан бол 2025 онд үнэлгээ 11.3 нэгжээр өсөж, 79.8 хувьд хүрснээр 3 дугаар байрт дэвшин орсон байна.
Энэхүү ахиц нь төрийн үйлчилгээний ил тод байдал, хариуцлага, ёс зүй, авлигын эсрэг хэрэгжүүлсэн бодлого, арга хэмжээ бодит үр дүнд хүрч байгааг илтгэж байна.
“Шударга байдлын үнэлгээ”-ний судалгааг 2015 оноос хойш 9 дэх удаагаа зохион байгуулж байгаа бөгөөд төрийн байгууллагын шударга, нээлттэй, ил тод үйл ажиллагаанд олон нийтийн бодит үнэлэлт, дүгнэлтийг тусгадгаараа онцлогтой юм.
2025 оны судалгаанд 10,840 иргэн болон аж ахуйн нэгжийн төлөөлөл, 2,660 төрийн албан хаагчийн төлөөлөл, 1,530 бодлого боловсруулагч, шинжээчийн төлөөлөл тус тус оролцсон байна.
Хөвсгөл аймгийн Засаг даргын Тамгын газраас иргэдэд чиглэсэн төрийн үйлчилгээний чанар, хүртээмжийг сайжруулах, шийдвэр гаргах үйл явцын ил тод, нээлттэй байдлыг хангах, авлигын эрсдэлийг бууруулах, ёс зүйн хариуцлагыг бэхжүүлэх чиглэлээр үе шаттай, бодитой арга хэмжээнүүдийг хэрэгжүүлсний үр дүнд дээрх амжилтад хүрсэн байна.
Тайлантай доорх линкээр танилцана уу