Мэдээ, мэдээлэл
АУТИЗМЫГ ТАНИУЛАХ САРЫН АЯНЫ ХҮРЭЭНД БАГШ, ЭЦЭГ, ЭХ, АСРАН ХАМГААЛАГЧДЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА.
Мэдээ
Онцлох мэдээ
Төрийн захиргааны удирдлагын хэлтэс
4
2026.04.25
АУТИЗМЫГ ТАНИУЛАХ САРЫН АЯНЫ ХҮРЭЭНД БАГШ, ЭЦЭГ, ЭХ, АСРАН ХАМГААЛАГЧДЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА.
АУТИЗМЫГ ТАНИУЛАХ САРЫН АЯНЫ ХҮРЭЭНД БАГШ, ЭЦЭГ, ЭХ, АСРАН ХАМГААЛАГЧДЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА.
Жил бүрийн дөрөвдүгээр сарыг дэлхий нийтээр “Аутизмыг таниулах сар” болгон тэмдэглэж, аутизмын хүрээний эмгэгтэй хүүхдийн сурч хөгжих, бие даан амьдрах, нийгэмд тэгш оролцох боломжийг нэмэгдүүлэх, олон нийтийн ойлголт, хандлагыг сайжруулах зорилготой олон талт үйл ажиллагааг зохион байгуулдаг уламжлалтай.
Энэ хүрээнд Хөвсгөл аймагт “Ойлгоё, хүндэлье, дэмжье” уриан дор сургалт, өдөрлөг, эрүүл мэндийн үзлэг, оношилгоо, үнэлгээ зэрэг арга хэмжээг 2026 оны дөрөвдүгээр сарын 20-25-ны өдрүүдэд зохион байгуулж байна. Тус арга хэмжээг “Аутизм ба гоц ухаан” НҮТББ санаачлан төрийн болон төрийн бус байгууллагуудтай хамтран хэрэгжүүлж байна.
Хөвсгөл аймагт аутизмын хүрээний эмгэгтэй хүүхэдтэй 71 гэр бүл бүртгэлтэй байдаг. Эдгээр хүүхдүүдтэй өдөр тутам ажиллаж буй сургуулийн өмнөх боловсрол болон ерөнхий боловсролын сургуулийн багш, мөн эцэг эх, асран хамгаалагчдын мэдлэг, ур чадварыг нэмэгдүүлэх зорилгоор чадавхжуулах сургалтыг амжилттай зохион байгууллаа.
Сургалтад аймгийн 15 сумын нийт 236 багш хамрагдаж, аутизмын хүрээний эмгэгтэй хүүхэдтэй ажиллах арга зүй, ойлголтоо гүнзгийрүүлэн, практик мэдлэг чадвараа нэмэгдүүлсэн байна.
Энэхүү үйл ажиллагаа нь аутизмтай хүүхдийг ойлгох, хүндэтгэх, дэмжих нийгмийн эерэг хандлагыг төлөвшүүлэхэд чухал ач холбогдолтой бөгөөд цаашид ийм төрлийн сургалт, нөлөөллийн ажлыг тогтмол зохион байгуулах шаардлагатайг оролцогчид хэлж байлаа.