Мэдээ, мэдээлэл
ХӨВСГӨЛ АЙМАГТ “ИННОВАЦИД СУУРИЛСАН ЭМ ЗҮЙН ТУСЛАМЖ ҮЙЛЧИЛГЭЭ” СУРГАЛТ ЗОХИОН БАЙГУУЛАГДАЖ БАЙНА
Мэдээ
Онцлох мэдээ
Төрийн захиргааны удирдлагын хэлтэс
4
2026.04.25
ХӨВСГӨЛ АЙМАГТ “ИННОВАЦИД СУУРИЛСАН ЭМ ЗҮЙН ТУСЛАМЖ ҮЙЛЧИЛГЭЭ” СУРГАЛТ ЗОХИОН БАЙГУУЛАГДАЖ БАЙНА
ХӨВСГӨЛ АЙМАГТ “ИННОВАЦИД СУУРИЛСАН ЭМ ЗҮЙН ТУСЛАМЖ ҮЙЛЧИЛГЭЭ” СУРГАЛТ ЗОХИОН БАЙГУУЛАГДАЖ БАЙНА
Эрүүл мэндийн салбарын хүний нөөцийн мэдлэг, ур чадварыг дээшлүүлэх, эм зүйн тусламж үйлчилгээний чанар, хүртээмжийг сайжруулах зорилготой “Инновацид суурилсан эм зүйн тусламж үйлчилгээ” сургалт өнөөдөр зохион байгуулагдаж байна.
Тус сургалтыг Аймгийн Эрүүл мэндийн газар, “Эм” холбоо санаачлан, Хөвсгөл аймгийн Засаг даргын Тамгын газрын Нийгмийн бодлогын хэлтэс болон АШУҮИС-ийн Эм зүйн сургууль-тай хамтран зохион байгуулж байна.
Сургалтад аймгийн төрийн болон хувийн хэвшлийн эрүүл мэндийн байгууллагуудын 120 гаруй төлөөлөл, үүнд эм зүйч, эм найруулагч, эмч мэргэжилтнүүд оролцож байна.
Энэхүү сургалтын гол зорилго нь эм зүйн тусламж үйлчилгээний салбарт инновацийн соёлыг төлөвшүүлэх, мэргэжилтнүүдийн мэдлэг, ур чадварыг дээшлүүлэх замаар иргэдэд үзүүлэх тусламж үйлчилгээний чанар, хүртээмжийг нэмэгдүүлэхэд оршиж байна.
Сургалтыг АШУҮИС-ийн Эм зүйн сургууль-ийн эрдэмтэн, багш нар удирдан явуулж байгаа бөгөөд орчин үеийн эм зүйн менежмент, технологийн дэвшлийн талаар онол, дадлага хосолсон хэлбэрээр гүнзгийрүүлсэн мэдээлэл өгч байгаагаараа онцлог юм.
Сургалтын үр дүнд Хөвсгөл аймгийн эм зүйч, эм найруулагч, эмч мэргэжилтнүүд инновацид суурилсан эм зүйн тусламж үйлчилгээ үзүүлэх мэдлэг, ур чадварыг эзэмших боломж бүрдэж байна. Ингэснээр эмийн зохистой хэрэглээг дэмжих, эмийн харилцан үйлчлэлээс үүдэлтэй хордлого, гаж нөлөөнөөс урьдчилан сэргийлэх хяналтын тогтолцоо сайжирч, иргэд ойр байрлах эмийн сангаасаа олон улсын жишигт нийцсэн, чанартай үйлчилгээ авах нөхцөл бүрдэх юм.
Цаашид энэхүү сургалт н
ь эмийн эмчилгээг илүү аюулгүй, ухаалаг, үр дүнтэй болгоход чухал хувь нэмэр оруулах ач холбогдолтой юм.
ь эмийн эмчилгээг илүү аюулгүй, ухаалаг, үр дүнтэй болгоход чухал хувь нэмэр оруулах ач холбогдолтой юм.