“ЭЛЕКТРОН ТАМХИ ГОЁЛ БИШ” АЯНЫГ ЗОХИОН БАЙГУУЛЛАА

Онцлох мэдээ
2022.05.31
Аймгийн Засаг даргын Тамгын Хууль, эрх зүйн хэлтэс, Нийгмийн бодлогын хэлтэс, Мөрөн сумын Засаг даргын Тамгын газар хамтран “Электрон тамхи гоёл биш” аяныг зохион байгуулав.

Аяны удирдамжид заасны дагуу сургуулийн орчин дахь электрон тамхины хэрэглээ, худалдааг багш, сурагчдын оролцоотойгоор бууруулах зорилгын хүрээнд ханын самбар хийх уралдааныг зарласан бөгөөд Дэлгэрмөрөн, Мөрөн Гурван-Эрдэнэ, Нутгийн-Аваргууд, Авьяас, Титэм, Тариалан, Бүрэнтогтох, Цагаан-Уул сумын ерөнхий боловсролын сургуулийн сурагчид бүтээлээ ирүүлсэн.

Сурагчдаас ирүүлсэн бүтээлүүд...

    

Тус бүтээлүүдийг “Хөвсгөл Art Gallery”-д байршуулан Мөрөн суманд үйл ажиллагаа явуулдаг Номин, Шинэ-Мөрөн, Сайн, Их-Уул, Ану зэрэг томоохон худалдааны төвүүдийн төлөөллүүдэд танилцуулав.

Дээрх аж ахуйн нэгж, худалдааны төвүүд сурагчдын бүтээлүүдээс сонгон авч, байгууллага дээрээ байршуулан, бүтээл хийсэн сурагчдыг урамшуулахаа илэрхийллээ.

 

 

-  Бүрэнтогтох сумын 10а ангийн бүтээлийг  АНУ супермаркет урамшуулав.

 

Гурван-Эрдэнэ сургуулийн 8а ангийн бүтээлийг Номин их дэлгүүр урамшуулав

 

Цагаан-Уул сумын 7г анги, Нутгийн Аваргууд сургуулийн 6а ангийн бүтээлийг Сайн супермаркет урамшуулав.

 

Титэм сургуулийн 7д ангийн бүтээлийг Шинэ-Мөрөн худалдааны төв урамшуулав.

 

Нутгийн Аваргууд сургуулийн 8б ангийн бүтээлийг  "Их-Уул" дэлгүүр урамшуулав.