Мэдээ, мэдээлэл
Аймгийн Засаг дарга Ш.Идэрбаясгалан Швейцарийн хөгжлийн агентлагийн дарга, төлөөлөгч нарыг хүлээн авч уулзлаа.
7423
![](https://khovsgol.gov.mn/uploads/image/2022/09/1920x0/1663059372_17f4aaede16da919cdc5.jpg)
Уулзалтын үеэр аймгийн Засаг дарга Ш.Идэрбаясгалан Швейцарын хөгжлийн агентлагийн дарга Стефани Бүррид “...Манай аймагтай хамтын ажиллагаатай ажиллаж, иргэдийн амьдралд тус дэмтэй төсөл хөтөлбөрүүдийг хэрэгжүүлэн ажиллаж байгаад талархаж байна…” эдгээр төслүүдээс “Ногоон алт- Малын эрүүл мэнд” төсөл нь малчдад зөв ойлголт мэдээллийг түгээсэн хэмээн онцлон дурьдсан.
“Ногоон Алт- Малын Эрүүл Мэнд, “Тогтвортой амьжиргаа-3”, “Дотоодын шилжилт хөдөлгөөн”-ийг ухаалагаар удирдах, Хүнсний Ногоо, Хүчирхийллийн Эсрэг төв зэрэг төслүүдийн үр дүнг аймгийн зүгээс танилцуулж “Бэлчээрийн газрын өөрчлөлтийг фотомониторингийн аргаар үнэлэх” төслийн талаар товч танилцуулгыг аймгийн ГХБХБГ-ын дарга Б.Ганзориг хийлээ.
Мөн уулзалтад аймгийн ИТХ-ын нарийн бичгийн дарга Р.Машбат оролцсон бөгөөд “Нутгийн өөрөө удирдах ёсны байгууллагыг бэхжүүлэх нь” төслийн үр дүн, хурлын ажлын албаны чиг үүрэг, төлөөлөгчдийн эрх үүргийн талаар мэдээлэл өгч, хамтын ажиллагааны талаар санал солилцсон юм.
Аймаг орон нутгаас зүгээс ноос, ноолууран бүтээгдэхүүн, сүү, сүүн бүтээгдэхүүн зэргийг олон улсын зах зээлд нийлүүлэх арга замын талаар санал солилцож, хамтын ажиллагааны хүрээнд хэрэгжүүлж буй төсөл хөтөлбөрүүдийн тогтвортой байдлыг ханган ажиллах илэрхийллээ.
Швейцарын хөгжлийн агентлагийн дарга Стефани Бүрри хэлэхдээ: “...Хөвсгөл аймаг сарлагийн хөөврөөр бүтээгдэхүүн хийж дэлхийн зах зээлд нийлүүлж технологи боловсруулах бүрэн боломж байгаа...” хэмээн онцлов.