Мэдээ, мэдээлэл
АЙМГИЙН ЗАСАГ ДАРГА Ш.ИДЭРБАЯСГАЛАН АШУҮИС-ТАЙ ХАМТРАН АЖИЛЛАХ ГЭРЭЭ БАЙГУУЛЛАА.
8791
Хүн амд үзүүлэх эрүүл мэндийн тусламж үйлчилгээний чанар хүртээмжийг
сайжруулах урьдчилан сэргийлэх, оношлох эмчлэх, эмч мэргэжилтнүүдийн
чадавхыг бэхжүүлэх, ажлын байран дахь тасралтгүй сургалтыг үе шаттай
зохион байгуулах зорилгоор аймгийн Засаг дарга Ш.Идэрбаясгалан
Анагаахын Шинжлэх ухааны үндэсний их сургуулийн Төгсөлтийн сургалтын
бодлого зохицуулалтын газрын дарга Б.Дамдиндоржтой хамтран ажиллах
гэрээнд гарын үсэг зурлаа.
Сургалтыг Монгол Улсын эрүүл мэндийн салбарын эрдэм оюуны их ундарга
болсон Анагаахын шинжлэх ухааны үндэсний их сургуулийн дэд захирал,
анагаах ухааны доктор, дэд профессор Б.Дамдиндорж багшаар ахлуулсан
эрдэмтэн багш нар ирж, мэргэжил мэргэжлийн чиглэлээр мэдээлэл өгч сургалтыг
аймгийн Эрүүл мэндийн газар, Нэгдсэн эмнэлэгтэй хамтран зохион байгууллаа.
Энэ үеэр Хөвсгөл аймагт “Багш шавийн эрдмийн уулзалт” сургалт зохион
байгуулагдаж аймгийн эрүүл мэндийн салбарын төр, хувийн хэвшлийн эрүүл
мэндийн байгууллагуудын 500 орчим эмч мэргэжилтнүүд цахимаар болон танхимаар
сургалтад хамрагдлаа.