Мэдээ, мэдээлэл
Авлигын эсрэг үйл ажиллагааны 2022 оны төлөвлөгөө”-ний хэрэгжилтийг тайлагнадаг албан хаагчдыг чадавхжуулах, тайлан гаргахад анхаарах асуудлын талаар мэдээлэл солилцох уулзалтыг 2022 оны 10 дугаар сарын 06-ны өдөр зохион байгууллаа.
Онцлох мэдээ
Хууль, эрх зүйн хэлтэс
5589
2022.10.07
Тус уулзалтад 24 байгууллагын 27 албан хаагч танхимаар, 19 сум 1 тосгоны 24 албан хаагч цахимаар тус тус оролцлоо.
Аймгийн ЗДТГ-ын Хууль, эрх зүйн хэлтсээс агентлаг, байгууллага, сумдын Засаг даргын Тамгын газрын эрх бүхий албан тушаалтан (ЭБАТ) болон “Авлигын эсрэг үйл ажиллагааны 2022 оны төлөвлөгөө”-ний хэрэгжилтийг тайлагнадаг албан хаагчдыг чадавхжуулах, тайлан гаргахад анхаарах асуудлын талаар мэдээлэл солилцох уулзалтыг 2022 оны 10 дугаар сарын 06-ны өдөр зохион байгууллаа. Тус уулзалтад 24 байгууллагын 27 албан хаагч танхимаар, 19 сум 1 тосгоны 24 албан хаагч цахимаар тус тус оролцлоо.
Уулзалтын үеэр Аймгийн ЗДТГ-ын Хууль, эрх зүйн хэлтсийн дарга М.Алтаншагай эрх бүхий албан тушаалтнуудын үйл ажиллагаанд гардаг зарим алдаа, анхаарах асуудал, цаашид хэрэгжүүлэх чиг үүргийн талаар, Хууль, эрх зүйн хэлтсийн ахлах мэргэжилтэн Х.Цэнд-Аюуш хувийн ашиг сонирхлын урьдчилсан мэдүүлэг, хувийн ашиг сонирхлын болон хөрөнгө орлогын урьдчилсан мэдүүлэг гаргахад анхаарах асуудлын талаар, тус хэлтсийн мэргэжилтэн М.Батчимэг авлигын эсрэг сургалт сурталчилгааны ажил болон “Авлигын эсрэг үйл ажиллагааны 2022 оны төлөвлөгөө”-ний хэрэгжилтийг тайлагнахад анхаарах асуудлын талаар мэдээлэл солилцож, арга зүйн зөвлөгөө өгсөн юм.