Өргөдөл гомдлыг хэрхэн шийдвэрлэх тухай

Онцлох мэдээ Төрийн захиргааны удирдлагын хэлтэс

6993

2022.10.07
Ирсэн өргөдөл гомдлыг хүлээн авсан мэргэжилтэн хуулийн хугацаанд судалж шаардлагатай бол холбогдох агентлаг байгууллага, сумдад шилжүүлдэг.

Аймгийн Засаг даргын Тамгын газар нь өргөдөл гомдлыг

  • Бичгээр,
  • Цахимаар,
  • Иргэдийн санал хүсэлт хүлээн авах 7038-1111 төвөөр, хүлээн авдаг.

Өргөдөл гомдлыг цаасан хэлбэрээр архив бичиг хэргийн ажилтан /106 номерт/ хүлээн авч бүртгэн Аймгийн засаг дарга, Аймгийн засаг даргын Тамгын газар, Аймгийн засаг даргын орлогчид гэх зэрэг өргөдөл хаягласан албан тушаалтанд шилжүүлнэ.

Ирсэн өргөдөл гомдолтой удирдах албан тушаалтан танилцаад хэлтэс, агентлаг байгууллагуудад цохолт хийнэ. Цохолт хийсэн өргөдөл гомдлыг бичиг хэргийн ажилтан хүлээн авч Төрийн байгууллагын дотоод удирдлагын нэгдсэн систем ERP-д оруулан  хэлтсийн дарга нар, агентлаг байгууллагад цохолтын дагуу шилжүүлдэг. Хэлтсийн дарга нар хүлээн аваад холбогдох мэргэжилтэнд хуваарилна.

 Ирсэн өргөдөл гомдлыг хүлээн авсан мэргэжилтэн хуулийн хугацаанд судалж шаардлагатай бол холбогдох агентлаг байгууллага, сумдад шилжүүлдэг. Шилжүүлсэн өргөдөлд хариуцсан мэргэжилтэн хяналт тавьж өргөдөл нь хэрхэн шийдвэрлэсэн талаар иргэнд 30 хоногийн дотор утсаар болон албан бичгээр хариу өгдөг. Өргөдөл шийдвэрлэгдэх хугацаанд хэд хоног зарцуулсан, хуулийн хугацаанд амжиж шийдвэрлэсэн эсэх, ямар байгууллагад шилжүүлсэн зэргийг ERP системээс харах бүрэн боломжтой. Төрийн байгууллагын дотоод удирдлагын нэгдсэн систем ERP-нэвтэрснээр өргөдөл гомдлыг хүлээн авах, шийдвэрлэх явцын хяналт сайжирсан.

 Өнөөдрийн байдлаар Хөвсгөл аймгийн Засаг даргын Тамгын газар, Засаг даргын эрхлэх асуудлын хүрээний 35 агентлаг байгууллага, 23 сум 1 тосгон Төрийн байгууллагын дотоод удирдлагын нэгдсэн систем ERP системийг бүрэн нэвтрүүлэн ашиглаж байна. Засаг дарга иргэдтэй уулзах цагаар ирсэн өргөдөл гомдол мөн бичиг хэрэгт бүртгэгдэн ERP системд ордог тул аймгийн Засаг даргын Тамгын газрын нийт өргөдөл гомдлын тоонд ордог.

2022 оны 10 дугаар сарын байдлаар аймгийн Засаг даргын Тамгын газарт 227 өргөдөл гомдол ирснээс 162 өргөдөл гомдлыг шийдвэрлэсэн. Эргэн танилцах 22 өргөдөл гомдол,  судлагдаж байгаа  36 өргөдөл гомдол байна. 2022 он гарснаар цахимаар 1 өргөдөл ирсэн байна. Та khovgol.gov.mn хаягаар болон, 70381111 утсанд хандан өргөдөл гомдол санал хүсэлтээ ирүүлэх боломжтой.

            Аймгийн хэмжээний өргөдөл гомдлын тайланг улирал бүр бүх агентлаг байгууллага, сумд хэрэг эрхлэх газраас ирүүлсэн загварын дагуу гаргаж төрийн байгууллагын дотоод удирдлагын нэгдсэн систем ERP-аар дамжуулан аймгийн Засаг даргын Тамгын газарт ирүүлдэг бөгөөд тайланг Төрийн захиргааны удирдлагын хэлтэст өргөдөл гомдлын шийдвэрлэлт хариуцсан мэргэжилтэн нэгтгэж Хяналт шинжилгээ үнэлгээний хэлтсээр хянуулан Засаг даргын зөвлөлийн хурлаар хэлэлцүүлж улирал бүрийн сүүлийн сарын 20-ны дотор зөвлөлийн хурлын тэмдэглэлийн хамт Засгийн газрын Хэрэг эрхлэх газрын Хяналт шинжилгээ, үнэлгээ дотоод аудитын газарт хүргүүлдэг.