Мэдээ, мэдээлэл
“Хөдөлмөр эрхлэлтийг дэмжих” нэрлэсэн жилийн хүрээнд JOB FAIR-2022 арга хэмжээг зохион байгуулав.
Дүрстэй мэдээ
Төрийн захиргааны удирдлагын хэлтэс
2088
2022.10.26
Нийт 361 оюутан залуучууд арга хэмжээнд оролцсоноос 194 оюутан залуус байнгын, түр, цагийн ажилд тухайн өдөртөө зуучлагдсан бөгөөд үлдсэн залуучууд цаашид сонирхсон ажлын байранд зуучлагдах бүрэн боломжтой үр дүнтэй арга хэмжээ боллоо.
Хөвсгөл аймгийн харьяат их, дээд сургууль төгсөгчид болон суралцаж буй оюутнуудыг байнгын болон түр, цагийн ажилд зуучлах, хөдөлмөрт бэлтгэх, ажил мэргэжлийн чиг баримжааг олгох, орон нутагтаа ажиллаж амьдрах хүсэл, сонирхлыг нэмэгдүүлэх зорилго бүхий JOB FAIR-2022 арга хэмжээг 2022 оны 10 дугаар сарын 22-ний өдөр аймгийн ЗДТГ, ХХҮГ хамтран Монголын үйлдвэрчний эвлэлийн соёлын төв ордонд зохион байгуулав. Хөвсгөл аймгийн Засаг дарга Шаравдоржийн Идэрбаясгалан, Засаг даргын орлогч М.Хуягбаатар, Нийгмийн бодлогын хэлтсийн дарга Д.Цэцэгмаа, ХХҮГ-ын дарга Т.Раднаабүд болон ХНХЯ-ны дэд сайд С.Зулпхяр, Монголын үйлдвэрчний эвлэлийн холбооны ерөнхийлөгч С.Эрдэнэбат, Ажил олгогч эздийн холбоон ерөнхийлөгч Х.Ганбаатар болон бусад холбогдох албаны хүмүүс оролцлоо.
Энэхүү арга хэмжээнд Хөвсгөл аймгийн болон Нийслэлийн хөдөлмөрийн биржүүд идэвхтэй оролцсон ба 526 ажил олгогч цахимаар болон танхимаар оролцож, 2490 нээлттэй ажлын байрны захиалга ирүүлэлээ.
Мөн оюутан залуучуудын дунд алдаршсан, Монгол HD телевизийн гүйцэтгэх захирал Ж.Эрдэнэбаяр, Боловсролын лектор О.Цацрал, сэтгэл зүйч Наранбаатар нар ажил хөдөлмөр эрхлэхэд тулгамддаг асуудлууд, хэрхэн даван туулах, ажил карьераа хэрхэн өсгөж, нийгэмд өөрийн байр сууриа хадгалах зэрэг сэдвээр сонирхолтой илтгэл, лекцийг тавилаа.
Нийт 361 оюутан залуучууд арга хэмжээнд оролцсоноос 194 оюутан залуус байнгын, түр, цагийн ажилд тухайн өдөртөө зуучлагдсан бөгөөд үлдсэн залуучууд цаашид сонирхсон ажлын байранд зуучлагдах бүрэн боломжтой үр дүнтэй арга хэмжээ боллоо.