Тус аянд аймгийн удирдлагууд болон Засаг даргын Тамгын газрын алба хаагчид сайн дураар цусаа хандивлалаа. Цус цусан бүтээгдэхүүний хэрэгцээ шаардлага жилээс жилд нэмэгдэж байгаа. Дөрөвдүгээр бүлгийн цус хамгийн ховор буюу 7%, хоёрдугаар бүлгийн цус 22%, нэгдүгээр бүлгийн цус хамгийн их хувийг эзэлдэг. Цусны донор болохын тулд 17-60 насны, 45 кг-аас дээш жинтэй, өвчин эмгэггүй, харьцангуй эрүүл иргэд хамрагдах боломжтой.Эрэгтэйчүүд хоёр сар тутам, эмэгтэйчүүд гурван сар тутамд нэг удаад 200-400 мл цус өгч болох ба жилд дөрвөн удаа цусаа өгөхөд ямар ч аюулгүй байдаг гэдгийг эмч мэргэжилтнүүд зөвлөж байна. Иргэн бүрийн нэг удаа хандивласан цус 3 хүнд амьдрал бэлэглэх боломжтой юм. Цаашид бусад байгууллагуудын албан хаагчдаа уриалан хэн нэгэнд амьдрал бэлэглэж цусаа өгөхийг аймгийн Засаг даргын Тамгын газрын албан хаагчид уриалж байна.

Сайн үйлс бүхэн дэлгэрэх болтугай.