Мэдээ, мэдээлэл

“ЦЭРГИЙН ЭРДМИЙН ТАНХИМ” БАЙГУУЛЛАА

Онцлох мэдээ Цэргийн штаб

2966

2022.12.07
Тус танхимыг аймгийн ЗДТГ-ын Цэргийн штабаас тохижуулан хүлээлгэн өглөө
Эх орны маань ирээдүй хойч үе болсон хүүхэд залуучуудад эх оронч үзэл хандлагыг төлөвшүүлэх, сурагчдад цэргийн анхан шатны мэдлэг олгох зорилгоор “Сод-Эрдэм” ерөнхий боловсролын сургуулийн сонгон “Цэргийн эрдмийн танхим”-ыг тохижууллаа. Цэргийн эрдмийн танхимтай болсноор хүүхэд залуучуудад цэрэг-эх оронч үзэл хүмүүжил олгох, эх орноо хамгаалахад оролцох, цэргийн боловсрол, бэлтгэл эзэмшүүлэх боломжийг нэмэгдүүлэх, цэргийн бэлтгэл үүрэгтний сургалтуудыг зохион байгуулахад чухал ач холбогдолтойг аймгийн ЗДТГ-ын Цэргийн штабын дарга, хурандаа С.Батхуяг онцолж байлаа.
“Сод эрдэм” ерөнхий боловсролын сургуулийн ахлах ангийн сурагчидтай Аймгийн Засаг дарга Шаравдоржийн Идэрбаясгалан уулзаж “...Ирээдүй эх орныхоо эзэн байх нь та бидний үүрэг учраас цэргийн эрдмийг судлан, тэсвэр хатуужилтай эх оронч болж хэзээд эх орноо хамгаалахад бэлэн байх ёстойг энэхүү танхимын агуулгад шингээсэн байгааг онцлоод цаашид сурагчид цэргийн эрдмийн талаар судалж, төрийн дууллаас эхлээд, цэргийн тангараг, цаашлаад баатарлаг дайчдыг танин мэдэхийг захиж байлаа...”