Мэдээ, мэдээлэл
“ҮЙЛЧИЛГЭЭГЭЭ ХЯЛБАРШУУЛЪЯ” АЯНД ХӨВСГӨЛ АЙМАГ ДАХЬ УЛСЫН БҮРТГЭЛИЙН ХЭЛТЭС НЭГДЛЭЭ.
Мэдээ
Хууль, эрх зүйн хэлтэс
4106
2022.12.07
Тус аяныг үнэлэхэд иргэн таны санал чухал тул санал хүсэлтээ коммент хэсэгт үлдээж бидний ажлыг дэмжээрэй.
Аймгийн Засаг дарга Шаравдоржийн Идэрбаясгалангийн санаачилгаар Хөвсгөл аймаг дахь зарим төрийн байгууллагын дунд “Үйлчилгээгээ хялбаршуулъя” аяныг зарлаад байгаа билээ.
Тус аяны хүрээнд Хөвсгөл аймаг дахь Улсын бүртгэлийн хэлтсээс бүртгэлийн үйл ажиллагааг иргэдэд хүндрэлгүй, оочир дараалалгүй, ойлгомжтой, хурдан шуурхай үзүүлэх үүднээс дараах арга хэмжээг хэрэгжүүлсэн байна.
Үүнд:
1. Иргэний улсын бүртгэл, эд хөрөнгийн эрхийн улсын бүртгэл, хуулийн этгээдийн улсын бүртгэлийн үйлчилгээний талаарх мэдээллийг иргэдэд ойлгомжтой, хялбар байдлаар үүдэнд самбар байршуулж, үйлчилгээ үзүүлж байгаа албан хаагчдын үзүүлэх үйлчилгээний төрөл, албан тушаал, холбогдох дугаар бүхий хаягжилтыг шинэчлэн байршуулсан.
2.Иргэний 8 төрлийн бүртгэл, шилжилт хөдөлгөөний бүртгэлийг бичиг баримтаа бүрэн гүйцэт бүрдүүлсэн даруйд нь бүртгэлийг хөтөлж гэрчилгээг гардуулж байна. Гадаад паспорт 30 хоногт хэвлэгдэн ирдэг байсныг Улсын бүртгэлийн ерөнхий газартай ярилцсаны дагуу 10-14 хоногт хэвлэгддэг болгож, хугацааг богиносгосон.
3.“И-Монголиа” портал сайтаас үйлчилгээ авах боломжтой КИОСК машиныг Улсын бүртгэлийн хэлтэст байршуулж, төрийн 100 гаруй үйлчилгээг тус машинаас авах боломжтой боллоо. Энэ ажлын хүрээнд КИОСК машинд эд хөрөнгийн эрхийн улсын бүртгэлийн болон хуулийн этгээдийн улсын бүртгэлийн лавлагаа үйлчилгээг нэвтрүүлэхээр ажиллаж байна.
4.“Хөвсгөл аймаг дахь Улсын бүртгэлийн хэлтэс” фэйсбүүк пэйж хуудсанд 7 хоногт 2-3 удаа улсын бүртгэлийн үйлчилгээтэй холбоотой зөвлөмжийг шинэчлэн иргэдэд хүргэж байна. Мөн иргэдэд тоон гарын үсэг олгох ажилтай холбогдуулан мэдээлэл зөвлөмж, тоон гарын үсгээ авах уриалгыг хүргүүлэн ажиллаж байна.
