Мэдээ, мэдээлэл
“Хууль тогтоомжийн хэрэглээ-зөрчилгүй, цахим албан хэрэг хөтлөлт-Архивын чанар, үйлчилгээ” сэдэвт сургалт эхэллээ.
3757
![](https://khovsgol.gov.mn/uploads/image/2022/12/1920x0/1670815226_2b156bf7efac28d397a4.jpg)
Хууль тогтоомжийн хэрэглээ - зөрчилгүй, цахим албан хэрэг хөтлөлт - архивын чанар, үйлчилгээ” сэдэвт сургалт зохион байгуулагдав. Аймгийн Засаг даргын Тамгын газрын Хууль, эрх зүйн хэлтсээс зохион байгуулсан “Хууль тогтоомжийн хэрэглээ - зөрчилгүй, цахим албан хэрэг хөтлөлт - архивын чанар, үйлчилгээ” сэдэвт сургалт 2022 оны 12 дугаар сарын 12-ны өдөр аймгийн Засаг даргын Тамгын газрын Соёмбо зааланд боллоо. Сургалтад Төрийн архивд хөмрөг үүсгэгч байгууллагуудын архив, албан хэрэг хөтлөлтийн ажилтнууд, сумдын Засаг даргын Тамгын газрын хуулийн мэргэжилтнүүд нийт 135 албан хаагч хамрагдаж мэдлэг, мэдээллээ дээшлүүллээ. Сургалтад аймгийн Засаг дарга Ш.Идэрбаясгалан, аймгийн Засаг даргын Тамгын газрын даргын албан үүргийг түр орлон гүйцэтгэгч Б.Мөнгөн-Эрдэнэ, Хууль, эрх зүйн хэлтсийн дарга М.Алтаншагай, Архивын ерөнхий газрын Мэргэжил арга зүйн удирдлагын газрын ахлах мэргэжилтэн Ц.Золжаргал, Мэдээллийн технолгийн газрын ахлах мэргэжилтэн Ц.Долгормаа нар болон холбогдох бусад албан хаагчид оролцож архив, албан хэрэг хөтлөлтийн хууль тогтоомжийн хэрэгжилт, нийтлэг гарч байгаа зөрчил, цаашид анхаарах асуудлын талаар мэдээлэл, сургалт өглөө. Тус сургалт нь хууль тогтоомжийн хэрэгжилтийг хангах чиглэлээр аймгийн жилийн ажлынхаа үр дүнг дүгнэх, 2023 оны ажлын чиглэлийг тодорхойлох, мөн 2023 онд зорхион байгуулагдах төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэгийн бэлтгэл ажлын хүрээнд байгуулагдаж байгаараа онцлог, үр дүнтэй сургалт боллоо.
Аймгийн Засаг даргын Тамгын газрын Хууль, эрх зүйн хэлтсийн Архивын тасаг