Мэдээ, мэдээлэл
1,2 дугаар багийн Өрхийн эрүүл мэндийн төвийн шинэ барилга ашиглалтад орлоо.
Мэдээ
Нийгмийн бодлогын хэлтэс
3317
2022.12.16
Улсын төсвийн 648.2 сая төгрөгийн хөрөнгө оруулалтаар Мөрөн сумын 1.2 дугаар багийн Өрхийн Эрүүл мэндийн төвийн барилга шинээр баригдлаа
Энэхүү барилгыг Улаанбаатар хотын "Сайрын харгана"ХХК тeндэрт шалгарч барьж дуусгалаа.Нээлтийн үйл ажиллагаанд Монгол Улсын Их хурлын гишүүн Ц.Даваасүрэн,аймгийн Засаг дарга Ш.Идэрбаясгалан, ЭМГ-ын дарга М.Үүрийнбаяр,"Сайрын харгана"ХХК- ны даамал н.Зоригт, "Энх-Үйлс "өрхийн эрүүл мэндийн хамт олон Өрхийн эрүүл мэндийн төвүүдийн дарга нар,иргэдийн төлөөлөл оролцлоо.
2021-2022 онуудад аймгийн Засаг даргын нөөц болон Орон нутгийн хөгжлийн сангийн хөрөнгө оруулалтаар "Энх-Үйлс " өрхийн эрүүл мэндийн төвд 55.9 сая төгрөгний урвалж оношлуур,тоног төхөөрөмж,автомашинаар хангаж дэмжлэг үзүүлсэн байна.Мөн 2023 онд тус өрхийн эрүүл мэндийн төвийн шинээр ашиглалтад орсон барилгын гадна талын хашаа барихад 20 сая төгрөгийг Орон нутгийн хөгжлийн сангаас шийдвэрлэж байгааг аймгийн Засаг дарга Шаравдоржийн Идэрбаясгалан хэллээ. Энэхүү үйл ажиллагаа нь анхан шатны тусламж үйлчилгээ үзүүлж буй өрхийн эрүүл мэндийн төвийн орчин нөхцөл сайжирч,иргэндээ ойртсон,чанартай тусламж үзүүлэх боломж бүрдэж байгаад иргэд баяртай байна.