Мэдээ, мэдээлэл
ӨВСНИЙ ҮНДЭС ХӨТӨЛБӨРИЙН ХҮРЭЭНД ХӨВСГӨЛ АЙМГИЙН РАШААНТ СУМЫН ЕРӨНХИЙ БОЛОВСРОЛЫН СУРГУУЛИЙН БАЙРЫГ ЗАСВАРЛАНА
Мэдээ
Хөгжлийн бодлого, төлөвлөлт Хөрөнгө оруулалтын хэлтэс
6624
![](https://khovsgol.gov.mn/uploads/image/2022/12/1920x0/1671176235_b0d0524dc77f0302c648.jpg)
2022.12.16
Хөвсгөл аймгийн хувьд Өвсний үндэс хөтөлбөрийн хүрээнд 1996 оноос хойш 26 жилийн хугацаанд 2,3 сая долларын 29 төсөл, арга хэмжээг амжилттай хэрэгжүүлээд байна.
“Өвсний үндэс - Хүний аюулгүй байдлыг хангах буцалтгүй тусламж” хөтөлбөр нь Монгол Улсад 885 төслийг амжилттай хэрэгжүүлээд байгаа юм.Энэ удаа Хөвсгөл аймгийн Рашаант сумын Ерөнхий боловсролын сургуулийг 274,084 доллар буюу 852,950,000 төгрөгийн төсөвт өртөг бүхий их засварын ажил хийгдэхээр боллоо. Хөвсгөл аймгийн Ршаант сумын хүүхэд, багачуудын сурч, боловсрох орчин, нөхцөлийг сайжруулах үйлсийг дэмжин тусалсан Япон Улсын Засгийн газар, эрхэмсэг элчин сайд Кобаяаши Хироюкид Хөвсгөл аймгийн Засаг дарга Шаравдоржийн Идэрбаясгалан илэрхийлж байлаа. Хөвсгөл аймгийн Рашаант сумын ерөнхий боловсролын сургууль нь 1925 онд байгуулагдсан ууган сургуулиудын нэг юм. Хичээлийн А, Б хоёр байртай бөгөөд А байр нь 1972 онд, Б байр нь 2019 онд ашиглалтад орсон. Хичээлийн А байрны хувьд удаан хугацааны ашиглалтын улмаас хуучирч муудан дээврээс ус алдаж, дотор гадна хананы шавар болон эмульс халцарч дулаан ихээр алдагддаг, дээврээс гойжсон усны нөлөөгөөр цахилгааны гэмтэл их гардаг зэрэг 702 хүүхэд, багачууд болон 80 гаруй багш, ажилчдын эрүүл аюулгүй сурч, хөдөлмөрлөх нөхцөл шаардлага хангахгүй байдалтай байгаа юм.