• Бичгээр , /Аймгийн Засаг даргын Тамгын газрын А корпус, 1 давхар, 106 номерт/
• Цахимаар, /Аймгийн Засаг даргын тамгын газрын huvsgulzdtg@khs.gov.mn хаягаар/
• Иргэдийн санал хүсэлт хүлээн авах 7038-1111 утас /7038-1111 төвд холбогдон 5 товчийг даран өргөдөл гомдлын шийдвэрлэлт хариуцсан мэргэжилтэнтэй холбогдох/
• Засгийн газрын иргэдийн санал хүсэлт хүлээн авах 11-11 төвөөр дамжуулан өөрийн хүсэлт, өргөдөл гомдлыг гаргах боломжтой.

Бид таны өргөдлийг хүлээн авч “Иргэдээс төрийн байгууллага албан тушаалтанд хандаж гаргасан өргөдөл гомдлыг шийдвэрлэх тухай хууль”-ийн дагуу, хуулийн хүрээнд шийдвэрлэн ажиллах болно. Мөн та Аймгийн Засаг даргын Тамгын газрын өргөдөл гомдлын шийдвэрлэлт хариуцсан мэргэжилтэнтэй холбоо барихыг хүсвэл 7038-1111 болон 88028756 утсаар мөн b.bolormaa@khs.gov.mn цахим хаягаар харилцан өргөдөл гомдлын шийдвэрлэлтийн явцын хяналтын талаар мэдээлэл авах боломжтой.

 Ирсэн өргөдөл гомдлыг хүлээн авсан мэргэжилтэн хуулийн хугацаанд судалж шаардлагатай бол холбогдох агентлаг байгууллага, сумдад шилжүүлдэг. Шилжүүлсэн өргөдөлд хариуцсан мэргэжилтэн хяналт тавьж өргөдөл нь хэрхэн шийдвэрлэсэн талаар иргэнд 30 хоногийн дотор утсаар болон албан бичгээр хариу өгдөг. Өргөдөл шийдвэрлэгдэх хугацаанд хэд хоног зарцуулсан, хуулийн хугацаанд амжиж шийдвэрлэсэн эсэх, ямар байгууллагад шилжүүлсэн зэргийг ERP системээс харах бүрэн боломжтой. Төрийн байгууллагын дотоод удирдлагын нэгдсэн систем ERP-нэвтэрснээр өргөдөл гомдлыг хүлээн авах, шийдвэрлэх явцын хяналт сайжирсан.

 Хөвсгөл аймгийн Засаг даргын Тамгын газар, Засаг даргын эрхлэх асуудлын хүрээний 35 агентлаг байгууллага, 23 сум 1 тосгон Төрийн байгууллагын дотоод удирдлагын нэгдсэн систем ERP системийг бүрэн нэвтрүүлэн ашиглаж байна. Засаг дарга иргэдтэй уулзах цагаар ирсэн өргөдөл гомдол мөн бичиг хэрэгт бүртгэгдэн ERP системд ордог тул аймгийн Засаг даргын Тамгын газрын нийт өргөдөл гомдлын тоонд ордог.

2022 оны 10 дугаар сарын байдлаар аймгийн Засаг даргын Тамгын газарт 227 өргөдөл гомдол ирснээс 162 өргөдөл гомдлыг шийдвэрлэсэн. Эргэн танилцах 22 өргөдөл гомдол,  судлагдаж байгаа  36 өргөдөл гомдол байна. 2022 он гарснаар цахимаар 1 өргөдөл ирсэн байна. Та https://khovsgol.gov.mn/ хаягаар болон, 70381111 утсанд хандан өргөдөл гомдол санал хүсэлтээ ирүүлэх боломжтой.

            Аймгийн хэмжээний өргөдөл гомдлын тайланг улирал бүр бүх агентлаг байгууллага, сумд хэрэг эрхлэх газраас ирүүлсэн загварын дагуу гаргаж төрийн байгууллагын дотоод удирдлагын нэгдсэн систем ERP-аар дамжуулан аймгийн Засаг даргын Тамгын газарт ирүүлдэг бөгөөд тайланг Төрийн захиргааны удирдлагын хэлтэст өргөдөл гомдлын шийдвэрлэлт хариуцсан мэргэжилтэн нэгтгэж Хяналт шинжилгээ үнэлгээний хэлтсээр хянуулан Засаг даргын зөвлөлийн хурлаар хэлэлцүүлж улирал бүрийн сүүлийн сарын 20-ны дотор зөвлөлийн хурлын тэмдэглэлийн хамт Засгийн газрын Хэрэг эрхлэх газрын Хяналт шинжилгээ, үнэлгээ дотоод аудитын газарт хүргүүлдэг.

БОЛОВСРУУЛСАН:  ТЗУХ МЭРГЭЖИЛТЭН